Siniguro ng Philippine National Police (PNP) ang paghihigpit ng kanilang pagpatrolya tuwing gabi, kasunod ng nararanasang rotational brownout sa buong bansa.
Sa panayam sa media kay PNP Chief Jose Melencio Nartatez nitong Biyernes, Mayo 15, 2026, iginiit niyang nakikipag-ugnayan na raw siya sa provincial at regional directors para sa usapin ng kaligtasan tuwing gabi.
"I have already directed all regional and provincial directors to intensify foot and mobile patrols specifically in residential hubs during the scheduled power interruptions at night," ani Nartatez.
Ayon kay Nartatez, maaari umanong lumaganap ang mga krimeng katulad ng akyat-bahay, lalo na sa gabi na palalalain ng rotational brownouts.
"Darkness must not be an invitation for 'akyat-bahay' or street-level crimes. Our personnel are instructed to utilize high-visibility tactics, including the use of blinkers and searchlights, to let the community know that the police are present and vigilant even when the lights are out," saad ni Nartatez.
PNP, susunod sa kautusan ng DOJ na ipatupad arrest warrant ng ICC vs Sen. Bato
Kaugnay ng banta ng kriminalidad sa gabi dahil sa rotational brownout, sinabi rin ni Nartatez na mananatiling aktibo ang 911 hotline para sumaklolo.
"Our command centers and emergency hotlines, such as the Unified 911, will remain fully operational through back-up power systems to ensure that every call for help is answered," anang PNP Chief.
Matatandaang kamakailan lang nang isailalim ng National Grid Corporation of the Philippines (NGCP) sa red alert ang buong Luzon.
Bunsod nito, inaasahang aabot sa mahigit 320,000 na electric customers ang maaaring maapektuhan mula Bulacan, Cavite, Laguna, Metro Manila, Pampanga, Quezon at Rizal.
MAKI-BALITA: Mga lugar na posibleng maapektuhan ng brownout ngayong Mayo 14
