78% ng mga Pilipino, pabor harapin ni VP Sara ang impeachment—Octa survey

By Kate Garcia

June 09, 2025

In BALITA National

Payag ang tinatayang 78% ng mga Pilipino na harapin ni Vice President Sara Duterte ang nakabinbin niyang impeachment sa Senado, ayon sa pinakabagong survey ng OCTA Research Tugon ng Masa (TNM) na inilabas nitong Lunes, Hunyo 9, 2025.

Batay sa nasabing survey na isinagawa noong Abril 20 hanggang 24, tanging 13% lamang ang hindi pumabor sa usapin ng impeachment ng Pangalawang Pangulo habang 9% naman ang nagsabing wala silang alam patungkol dito.

Ayon sa OCTA, ang resulta ng kanilang survey ay patunay raw sa pananagutang ninanais ng publiko.

"These findings reflect strong public support for accountability and due process in addressing the allegations against the Vice President," anila.

Hinggil naman sa pagkakaroon ng sapat na kaalaman sa impeachment ng mga Pilipino, naitala ng OCTA na naglalaro mula sa 83% hanggang 96% ang may alam sa naturang isyu.

"Awareness levels vary across regions, ranging from 83% to 96%. The highest awareness is recorded in Mindanao (96%), while the lowest is in the Visayas (83%)," saad ng OCTA.

Samantala, sa Hunyo 11 na inaasahang tuluyang uusad ang impeachment ng Pangalawang Pangulo matapos itong maipit sa Senado ng tinatayang apat na buwan.

KAUGNAY NA BALITA: 'Walang atrasan!' 2 senador, sinigurong tuloy ang impeachment trial sa Hunyo 11

Senate Impeachment Court, nag-isyu ng summon kay VP Sara

Naglabas ng writ of summons para kay Vice President Sara Duterte ang Senate Impeachment Court ngayong Martes, Hunyo 10, matapos ang oath-taking ng mga senator-judge at pag-convene ng Senado para sa impeachment court.May 10 araw lamang ang kampo ng Pangalawang Pangulo para sumagot sa Articles of Impeachment pagkatapos matanggap ang kopya ng summon at kopya nito.Maaari namang tumugon dito ang House...

Sigaw ni Sen. Risa: 'Outnumbered, but not outfought!'

Ipinagmalaki ni Senator-judge Risa Hontiveros ang larawan nila ng limang senator-judges na tumutol sa mosyon ni Senator-judge Alan Peter Cayetano, na amyendahan ang mosyon ni Senator-judge Ronald 'Bato' Dela Rosa na ibasura ang impeachment trial ni Vice President Sara Duterte.Ang naging mosyon ni Cayetano ay ibalik ang Articles of Impeachment sa House of Representatives, na ibinigay na...

Botong 18-5: Sino-sino Senator-judges na aprub, tutol sa mosyon nina Dela Rosa, Cayetano?

Nagbotohan ang mga senator-judges kung sang-ayon o tutol sa mosyon ni Senator-judge Alan Peter Cayetano na ibalik sa House of Representatives ang Articles of Impeachment ni Vice President Sara Duterte.18 senator-judges ang pumabor dito at 5 naman ang tumutol.Ito ay para amyendahan ang nauna nang inihaing mosyon ni Senator-judge Ronald 'Bato' Dela Rosa na i-dismiss ang impeachment trial...