Dinikdik ng Philippine Political Science Association (PPSA) Board of Trustees ang Senado, partikular na ang liderato ni Senate President Chiz Escudero hinggil sa nakabinbing impeachment trial ni Vice President Sara Duterte.
Sa pahayag na inilabas ng PPSA, diretsahan nilang iginiit na "long-overdue" na raw ang impeachment ni VP Sara na halos apat na buwan ng naipit sa Senado.
"This long-overdue obligation has been delayed and such inaction raises serious concerns regarding transparency and institutional integrity," anang PPSA.
Pinuna rin nila, na ang kapalpakan daw ng mabagal na desisyon ng Senado ay isang malaking kasiraan sa kanilang serbisyo-publiko.
PBBM, pinahahanap student athletes na nag-wacky ng mukha sa speech niya
"The Senate's failure to act decisively constitutes a grave disservice to the Filipino people, who expect their leaders to uphold the public interest rather than serve a narrow political agenda," anang PPSA.
Dismayado ring iginiit ng asosasyon ang hindi raw pagtayo ng Senado bilang isang malayang sangay ng gobyerno.
"An independent Senate must rise above political pressures and demonstrate its loyalty to democratic principles and the Filipino people. What we have witnessed thus far, however, is the opposite: an institution that appears paralysed and compromised," anila.
Kaugnay nito, ilang mga unibersidad na rin ang nangalampag sa Senado hinggil sa agarang pagsisimula ng impeachment trial laban kay VP Sara, kasunod ng pag-ugong ng posibilidad na maaari na raw itong maibasura bago pa tumawid sa 20th Congress.
KAUGNAY NA BALITA: Ateneo, nangalampag na rin sa Senado hinggil sa impeachment ni VP Sara
KAUGNAY NA BALITA: DLSU, kinalampag na rin ang Senado para pagulungin paglilitis kay VP Sara
KAUGNAY NA BALITA: UP College of Law, kinalampag na Senado hinggil sa impeachment vs. VP Sara
