Naglabas ng kani-kanilang opisyal na pahayag ang iba't ibang grupo ng mga direktor, aktor, at manunulat hinggil sa panukalang-batas ni Sen. Robin Padilla, na nagpapalawak sa mandalo ng Movie and Television Review and Classification Board (MTRCB) sa pagre-review at pagre-regulate ng mga panoorin sa online streaming platforms.
Nauna nang nagpahayag ng kanilang pagtutol ang Directors' Guild of the Philippines Inc. (DGPI) tungkol sa Senate Bill No. 2805 o MTRCB Act.
"To reiterate, the DGPI stands against the expansion of MTRCB’s jurisdiction into the online streaming space because it is largely a private viewing experience, and does not count as public exhibition, and deplores this attempt by the MTRCB to discriminate against those in the audio-visual sector that encompasses film, television, and streaming," bahagi ng kanilang opisyal na pahayag.
"We believe in a self-regulating industry, where accountability is upheld from within, and reforms are made in genuine partnership with the community," saad ng League of Filipino Actors o AKTOR, grupo ng mga aktor at aktres na pinamumunuan ni Kapuso Primetime King at TV host Dingdong Dantes.
Fifth Solomon kinalampag gobyerno, mga mambabatas, FDCP: 'Nasaan konkretong aksyon?'
Giit naman ng Filipino Screenwriters Guild (FSG), "On the surface, this bill claims to ‘protect’ viewers. But what it really does is give the MTRCB more power to censor. More rules to strangle creativity. More control over which stories get told—and which get silenced...
"We need systems that empower writers, not silence them. Because when writers lose their voice, stories disappear. And when stories disappear, culture dies," anila.
Pero depensa naman ng principal author nitong si Sen. Robin, hindi layunin ng panukalang-batas na sikilin ang "malikhaing damdamin" ng industriya kundi para protektahan ang kapakanan ng mga menor de edad na manonood.
"Hindi po ito laban sa sining. Hindi ito laban sa mga direktor. Sa katunayan, ito po ay panukala na isinulong dahil gusto natin protektahan ang pamilya, ang kabataan, at ang ating kultura. Huwag po nating ihiwalay ang sining sa lipunang kinabibilangan nito," bahagi ng opisyal na pahayag ni Padilla.
KAUGNAY NA BALITA: Robin Padilla, binweltahan pag-alma ng DGPI sa panukalang batas niya
Sa opisyal na pahayag naman ng MTRCB, sinabi nilang kung anuman ang magiging desisyon ng Pangulo at Kongreso ay susunod sila rito.
"We respectfully defer to the wisdom of our lawmakers on the matter. Whatever is ultimately approved by Congress and the President, we will implement it," bahagi ng kanilang opisyal na pahayag.
