Naglabas ng isang open letter ang University of the Philippine (UP) College of Law hinggil sa pag-usad ng nakabinbing impeachment trial ni Vice President Sara Duterte. 

Saad ng nasabing liham nitong Huwebes, Hunyo 5, 2025, ang kanila umanong "grave concern" sa nakaambang pagbasura umano ng impeachment ng Bise Presidente.

"We, the undersigned individual members of the faculty of the University of the Philippines College of Law, express our grave concern with proposals to declare the impeachment case against Vice President Sara Z. Duterte as functionally or de facto dismissed," anang UP College of Law.

Matatandaang kamakailan lang noong inihayag ni Sen. Francis Tolentino sa kaniyang manipestasyon sa Senado na maituturing na raw na functionally dismissed ang impeachment kapag ito ay inabot ng Hunyo 30 bago tuluyang umusad.

National

PBBM, pinahahanap student athletes na nag-wacky ng mukha sa speech niya

KAUGNAY NA BALITA: Impeachment kay VP Sara, ‘maikokonsidera nang ibinasura’ ‘pag ‘di umusad hanggang Hunyo 30—Sen. Tolentino

Dagdag pa ng UP College of Law, labis daw silang nababahala sa naturang banta na maudlot ang impeachment dahil nais daw nilang makita ang mga ebidensya, depensa ni VP Sara at upang masaksihan umano ng taumbayan ang pagkilos ng pamahalaan.

"We wish to see the evidence, hear the Vice-President's defense, and with our fellow Filipinos, judge for ourselves her fitness to continue in public service," anila.

Payo pa nila sa Senado, "Let the truth unfold. We call on the Senate of the Philippines to comply with its constitution duty to ‘forthwith proceed’ with the impeachment trial of Vice President Sara Z. Duterte."