MRT-3, LRT 1 at 2, may libreng sakay sa June 12-Balita

MRT-3, LRT 1 at 2, may libreng sakay sa June 12

Magkakaloob ang Metro Rail Transit Line 3 (MRT-3) at Light Rail Transit Lines 1 (LRT-1) at 2 (LRT-2) ng libreng sakay kaugnay sa pagdiriwang ng ika-127 anibersaryo ng Araw ng Kalayaan sa Hunyo 12.

Batay sa abiso ng mga pamunuan ng mga naturang rail lines, nabatid na ang kanilang free rides ay maaaring i-avail ng lahat ng pasahero sa nasabing petsa, mula 7:00AM hanggang 9:00AM at mula 5:00PM hanggang 7:00PM, sa lahat ng kanilang train stations.

Ayon sa Light Rail Manila Corporation (LRMC) na siyang nangangasiwa sa operasyon ng LRT-1, ang kanilang libreng sakay ay bilang pakikiisa sa pagdiriwang ng Araw ng Kalayaan.

Inianunsyo rin ng LRMC na mananatili pa rin ang kanilang regular na holiday operating schedule para sa nasabing araw, kung kailan ang unang tren ay aalis mula Dr. Santos Avenue at Fernando Poe Jr. Stations ng 5:00AM at ang huling biyahe naman ng tren mula Dr. Santos Station ay aalis ng 9:30PM habang 9:45PM naman mula sa Fernando Poe Jr. Station.

Abiso naman ng Light Rail Transit Authority (LRTA) na siyang nangangasiwa sa operasyon ng LRT-2, “Bilang paggunita sa ika-127 anibersaryo ng Araw ng Kalayaan, handog ng Light Rail Transit Authority (LRTA) ang LIBRENG SAKAY para sa lahat ng mga pasaHERO ng LRT Line 2 sa Hunyo 12, 2025.”

Ayon kay LRTA Administrator Atty. Hernando Cabrera, “Ang libreng sakay na ito ay isang pasasalamat at paggunita sa ating kalayaan. Buong puso kaming nagpupugay sa ating mga bayan isa kanyang tapang, sakripisyo, at walang kapantay na pagmamahal sa bansa. Nawa’y lagi nating isapuso ang diwa ng kanilang kabayanihan.”

Sa panig naman ng pamunuan ng MRT-3, sinabi nito na, “Ito ay alinsunod sa utos ni Pangulong Ferdinand "Bongbong" Marcos Jr. na maghandog ng mga inisyatibong naglalayong mapagaan ang gastusin sa transportasyon at mapalaganap ang pagpapahalaga sa mahahalagang pambansang okasyon.”

Ang LRT-1 ay bumabagtas mula sa Fernando Poe Station (dating Roosevelt), sa Quezon City hanggang sa Dr. Santos Avenue sa Parañaque City, habang ang LRT-2 naman ay bumibiyahe mula sa Recto Avenue, sa Maynila hanggang Antipolo City sa Rizal.

Ang MRT-3 naman ang siyang nag-uugnay sa Taft Avenue, Pasay City at North Avenue, Quezon City.

Bilang ng enrollees sa paparating na pasukan, lolobo ng 27 milyon!—DepEd

Kinumpirma ng Department of Education (DepEd) na papalo sa 27 milyon ang enrollees mula preschool hanggang senior high school para sa School Year 2025 hanggang 2026.Sa panayam ng Super Radyo dzBB kay DepEd Assistant Secretary Jocelyn Andaya noong Sabado, Hunyo 7, 2025, tinatayang nasa daang libong mga bagong classrooms na raw ang kanilang naipatayo upang matugunan ang bilang ng mga...

50% ng mga Pilipino, aminadong naghihirap pa rin—SWS

Inihayag sa pinakabagong datos ng Social Weather Station (SWS) na nasa 50% ng mga Pilipino sa buong bansa ang nagsasabing mahirap pa rin sila.Ginawa ang naturang survey mula Abril 23 hanggang 28, 2025, kung saan mas mababa ito ng 5% kumpara sa nauna nilang datos noong Abril 11 hanggang 15 na nasa 55%. Ayon sa SWS, nagmula ang nasabing pagbaba ng 5% mula sa Metro Manila at Mindanao.Samantala,...

Orange warning, itinaas sa Metro Manila, mga kalapit na lugar

Itinaas na ng PAGASA sa orange rainfall warning ang Metro Manila at karatig na lugar dahil sa habagat at low pressure area (LPA) na kasalukuyang nakakaapekto sa bansa.Sa inilabas na 11:00 p.m. heavy rainfall warning no. 1 nitong Sabado, Hunyo 7, nakataas sa orange warning ang Metro Manila, Rizal, Bulacan, Batangas, at Cavite.Ibig sabihin, makararanas ang mga nabanggit na lugar ng matinding...