Nagpasalamat si dating Vice President at ngayo'y Naga City Mayor-elect Leni Robredo kay re-elected Quezon City Mayor Joy Belmonte matapos ang mainit na pagtanggap sa kaniya sa munisipyo ng Quezon City, Miyerkules, Hunyo 4, para sa kanilang pagpupulong.
Nagkita ang dalawang mayor upang talakayin ang best practices ng lokal na pamahalaan ng Quezon City patungkol sa pabahay at iba pang mga bagay.
Ayon sa post ng Quezon City Government official Facebook page, sinalubong ni Belmonte si Robredo bilang "panauhin" ng kanilang lungsod.
"Ibinahagi rin ni Mayor Joy at City Administrator Mike Alimurung kay Mayor-Elect Leni ang mga digitalization ng mga programa at proseso ng City Hall," mababasa sa post.
Misis, sinaksak ng mister sa leeg
Dagdag pa, "Partikular dito ang fully online process ng mga transaksyon ng mga negosyo sa lungsod, pagtatayo ng District Action Offices, ang QCitizen ID, mga developed systems para sa Public Library at Health Department, at ang QC Birth Registration Online."
"Nais din ni Mayor Joy na maging Sister City ang Naga City upang mas mapatibay pa ang pakikipag-ugnayan sa syudad."
"Kasama sa pulong sina Chief of Staff Rowena Macatao, Housing Community Development And Resettlement Department Head Atty. Jojo Conejero, at former Congressman and Liberal Party Vice Chairperson Kit Belmonte," dagdag pa.
MAKI-BALITA: QC Mayor Joy at Naga City Mayor-elect Leni, nagkita; posibleng maging 'sisters'
Sa kaniyang Facebook post ay nagpasalamat naman si Robredo kay Belmonte.
"Thank you to Mayor Joy Belmonte, City Administrator Mike Alimurung, and the QC Government for the very warm welcome," aniya.
"I visited Mayor Joy yesterday to inquire about some of their programs, specifically, how they were able to fully automate all their processes and data base. Quezon City is the most advanced as far as digitization is concerned."
Nilinaw rin ni Robredo na matagal na palang may "Sister City" agreement sa pagitan ng Quezon City at Naga City.
"Mayor Joy reminded us that there is an existing Sister City arrangement between Quezon City and Naga City, entered into during the time of Mayor John Bongat. We just need to review, reactivate and improve, if needed, so that Quezon City would be able to help us with automation."
"We are thrilled with this development because automation has long been an aspiration of the city and, now, we do not need to spend that much to make it happen." aniya pa.
