Pakupad-kupad na mga pulis, pasasakitin ni Chief PNP Torre ang mga katawan

By Ralph Mendoza

June 04, 2025

In BALITA Metro

Ibinahagi ni Philippine National Police (PNP) Chief Gen. Nicolas Torre III ang parusang posibleng igawad sa mga pulis na hindi tutugon sa “quick 3 minutes response” na ipatutupad niya sa Metro Manila.

Sa isinagawang press briefing nitong Miyerkules, Hunyo 4, sinabi ni Torre na pasasakitin umano niya ang katawan ng mga pulis kung hindi agad sila reresponde.

“Sasakit ang katawan nila. Ite-training ko sila. And we will make sure that they will comply with it. So, drill, drill, drill, and more drills will be the key,” saad ni Torre.

Dagdag pa niya, “So makikita n’yo ang mga pulis aktibo ‘yan. In the next few days, aktibo ‘yan. Tatakbo ang mga patrol car, tatakbo ang mga tao natin sa mga lugar na randomly ay sasabihin natin dito ang responde.”

Matatandaang si Torre ang ipinalit sa nabakanteng posisyon ni PNP Chief Rommel Marbil at kasalukuyang ikaapat na hepe ng PNP sa ilalim ng administrasyon ni Pangulong Ferdinand “Bongbong” Marcos, Jr.

MAKI-BALITA: Torre, nakatakda maging ikaapat na hepe sa ilalim ng PBBM admin

Orange warning, itinaas sa Metro Manila, mga kalapit na lugar

Itinaas na ng PAGASA sa orange rainfall warning ang Metro Manila at karatig na lugar dahil sa habagat at low pressure area (LPA) na kasalukuyang nakakaapekto sa bansa.Sa inilabas na 11:00 p.m. heavy rainfall warning no. 1 nitong Sabado, Hunyo 7, nakataas sa orange warning ang Metro Manila, Rizal, Bulacan, Batangas, at Cavite.Ibig sabihin, makararanas ang mga nabanggit na lugar ng matinding...

John Arcilla, umapela sa Millenials at Gen Z; pinapapalitan mga matatagal nang gov’t officials

Inamin ni award-winning actor John Arcilla ang pagkamamali ng henerasyon niya sa pagpili ng mga halal na opisyal.Sa latest Facebook post ni John nitong Sabado, Hunyo 7, nanawagan siya sa mga Gen Z at Millenials na palitan na lahat ng nasa pwesto na deka-dekada nang nakaupo sa gobyerno.“PANAHON nyo na MGA GEN-Z at MILLENIALS. Sa BAWAT darating na BOTOHAN, I’m sure malinaw na sa inyo ang...

Walang bollard? Van, aksidenteng sumampa sa loading area ng NAIA Terminal 2

Dumiretso hanggang sumadsad sa loading area ang isang van sa Terminal 2 ng Ninoy Aquino International Airport (NAIA) noong Biyernes, Hunyo 7.Ayon sa ulat, bandang 9:45 p.m. nang mangyari ang naturang insidente. Wala namang naitalang napinsala o nasaktan.Kasalukuyan nang iniimbestigahan ng mga awtoridad ang 56-anyos na driver ng van na ayon sa lisensya nito ay mula pa sa Zamboanga.Batay sa...