Pagiging sunud-sunuran kay HS Romualdez, 'di trabaho ng Senado —SP Chiz

By Ralph Mendoza

June 04, 2025

In BALITA National

Binuweltahan ni Senate President Chiz Escudero ang mga kongresista umanong sunud-sunuran kay House Speaker Martin Romualdez dahil sa pangungulit ng mga ito na pagulungin na ang impeachment trial laban kay Vice President Sara Duterte.

Sa panayam ng media kay Escudero nitong Miyerkules, Hunyo 4, sinabi niyang hindi umano trabaho ng Senado ang maging sunud-sunuran kay Romualdez.

“Puwes, kung trabaho ng ilang mambabatas na maging sunud-sunuran kay Speaker Romualdez na gusto klaro ang impeachment na ito, hindi namin trabaho 'yan sa Senado. Hindi ko rin trabaho 'yan bilang tagapangulo ng Senado,” saad ni Escudero.

Dagdag pa niya, “Para sa akin, gagampanan namin ang aming tungkulin ayon sa aming paniniwala na tamang proseso na naaayon sa batas.”

Bukod dito, muli na namang isinumbat ni Esudero sa mga mambabatas ang matagal na pagkakabinbin din sa Kongreso ng impeachment complaint ni Duterte.

“No’ng inupuan nila na mahigit dalawang buwan itong impeachment complaint, may narinig ba sila sa amin?” aniya.

Ngunit matatandaang batay sa flow ng proposed calendar ni Escudero noong Pebrero, nakatakda noong Martes, Hunyo 3, ang pagpupulong ng Impeachment Court at oath-taking ng incumbent Senator-judges.

MAKI-BALITA: ALAMIN: Proposed calendar ni SP Chiz hinggil sa impeachment trial ni VP Sara

PBBM, pinahahanap student athletes na nag-wacky ng mukha sa speech niya

Natatawang nagkomento si Pangulong Ferdinand 'Bongbong' Marcos, Jr. sa isang video clip kung saan makikita ang ilang babaeng student athletes na nag-wacky ng mukha habang nagtatalumpati siya para sa opening program ng 'Palarong Pambansa' kamakailan.Pero sa halip na magalit ay tila naaliw pa ang Pangulo sa kaniya.'No'ng opening ceremony ng Palarong Pambansa, eh may mga...

'Walang atrasan!' 2 senador, sinigurong tuloy ang impeachment trial sa Hunyo 11

Iginiit ng dalawang senador na matutuloy ang pagsisimula ng pag-usad ng impeachment trial ni Vice President Sara Duterte sa darating na Hunyo 11, 2025.Ayon kay Sen. Sherwin Gatchalian, wala raw ibang pagpipilian ang Senado kung hindi ituloy ang nakabinbing impeachment.“Wala namang choice ang Senado. Hindi ito desisyon ng mga senador. Ito ay constitutional responsibility ng mga senador,” ani...

15-anyos, patay sa pagsabog ng isang bagay na napagkamalang gold bar!

Patay ang 15-anyos na lalaki matapos sumabog ang isang umanong bomba na napagkamalang gold bar sa Bukidnon.Ayon sa mga ulat, natagpuan ng biktima ang isang bagay na inakala niyang gold bar. Kasama ang dalawa pang kaibigan na 18-anyos at 33 taong gulang, may ginupit daw sila bahagi ng natagpuang bagay at saka ito sumabog. Nakaligtas naman ang dalawang kaibigan ng biktima habang dead on arrival na...