Usap-usapan ang naging umano'y pagtayo at "pagtalikod" ni Senate President Chiz Escudero habang nagsasalita sa kaniyang privilege speech si Sen. Risa Hontiveros, tungkol sa nakabinbing impeachment trial ni Vice President Sara Duterte.
Kalat na sa iba't ibang social media platforms ang video clip mula sa pagtatalumpati ni Hontiveros sa naganap na Senate plenary session noong Lunes, Hunyo 2, kung saan humingi ng permiso ang senadora sa pangulo ng Senado kung puwede siyang magsalita patungkol sa impeachment.
"Yes, you may proceed,” pagbibigay ng permiso sa kaniya.
Subalit hindi pa man nag-iinit sa pagsasalita ang senadora ay makikitang tumayo ang Senate President at tumalikod sa kaniya. Hindi naman ito pinansin ng senadora at nagpatuloy pa rin sa pagkalampag sa Senado tungkol sa impeachment trial.
CEAP, iginiit pagpapanatili ng Ethics sa college curriculum
Muling iginiit ng senadora ang pagkadismaya hinggil sa pag-delay ng Senado sa pagbasa ng Articles of Impeachment, na nakasaad umano sa 1987 Saligang-Batas, na kailangan na umanong mag-proceed ang nabanggit na procedure.
"Once we receive the Articles of Impeachment, trial by the Senate shall forthwith proceed. Hahatulan tayo ng sambayanan kung hindi natin ginampanan ang tungkulin na ito sa sambayanan," giit ng senadora.
Hindi naman nakita sa video kung humarap ba ulit ang Senate President kay Sen. Risa, subalit nang matapos ang huli, makikitang nakaharap si Escudero subalit nakatayo.
"Noted and entered into the records,” ani Escudero at pinukpok na ang gavel. Tinawag niya si Senate Majority Floor Leader JV Ejercito para naman sa kaniyang pagsasalita.
Narito naman ang ilan sa mga reaksiyon at komento ng netizens:
"Bakit ganun? Ambastos naman..."
"Anyare Chiz?"
"Honest question: Bakit ang bastos? Anong nangyari? Nainsulto ba siya? Pa-cool effect ba? Ego? Even if all of the above — ‘di ba Professional. I’m so confused. Parang PALENGKE lang."
"Walang respeto sa kasamahan sa trabaho yarn?"
"When your colleagues are talking you need to listen chiz !"
Samantala, makahulugan naman ang naging Facebook post ni Hontiveros tungkol pa rin sa impeachment trial at sinabing wala siyang balak "talikuran" ito.
"Ngayon lang ako nakakita ng bola na dini-dribble ng apat na buwan. Kahit naman sa basketball, may shot clock."
"Convening as an impeachment court and commencing trial is expressly mandated by the Constitution. And yet this process has been delayed and dragged on for four long months."
"In those four months, we’ve been called eager, aggressive, impatient, 'atat.' But the simple truth is this: We are not rushing. In fact, we have been waiting. The Filipino people are waiting. And we believe four months is more than enough."
"These delays are no longer procedural. They are obstructions dressed up as protocol."
"The impeachment process is a crucial means of demanding accountability exclusively entrusted by the people to the Senate. Hindi ko ‘yan balak talikuran."
"It’s time to follow the rules and start the process ‘forthwith’. Enough games. Time to move," aniya pa.
KAUGNAY NA BALITA: Hontiveros, ‘di balak talikuran impeachment trial ni VP Sara
Samantala, wala pang tugon, reaksiyon, o pahayag si SP Chiz hinggil sa ginawa niyang pagtalikod kay Sen. Risa habang nagsasalita.
