Iginiit ni Senate President Chiz Escudero na wala umanong kinalaman sina House Speaker Martin Romualdez at Pangulong Ferdinand “Bongbong” Marcos, Jr., sa kaniyang desisyon na ipagpaliban ang pagbasa sa articles of impeachment ni Vice President Sara Duterte sa Hunyo 11, 2025.
Sa kaniyang press briefing nitong Lunes, Hunyo 2, wala raw nakikitang rason si Escudero upang magbaba ng kautusan ang Pangulo at House Speaker sa nakabinbing impeachment trial ni VP Sara sa Senado.
“No, it did not,” ani Escudero.
Saad pa niya, “I was not even able to tell Martin, the Speaker, about that. He found out through the letter that I sent him.”
Orange warning, itinaas sa Metro Manila, mga kalapit na lugar
May epekto rin daw ang maiibang komposisyon sa pagpasok ng 20th Congress sa Senado At Kamara kaya’y wala raw rason ang umuugong na balita hinggil sa mga utos umano sa kaniya na ilipat ang araw sa tuluyang pag-usad ng impeachment trial kay VP Sara.
“I don’t see the connection whatsoever. No…It has nothing to do, especially given the fact that the 20th Congress will have a totally different composition.” anang Pangulo ng Senado.
Matatandaang umano ng samu’t saring reaksyon ang naturang desisyon ni Escudero nang ipagpaliban niya mula sa orihinal na araw ng Hunyo 2 ang nasabing pagbasa sa articles of impeachment ni VP Sara.
KAUGNAY NA BALITA: Senado, iniurong sa June 11 ang pagbabasa ng articles of impeachment vs VP Sara
KAUGNAY NA BALITA: Impeachment ni VP Sara, 'dead on arrival' daw sa Senado? De Lima, pumalag!
KAUGNAY NA BALITA: Pimentel, ‘di pinalusot si Escudero; kinuwestiyon pagbabago sa impeachment calendar
