Bumoses si outgoing Senator Francis Tolentino sa isyu ng nakabinbing impeachment trial laban kay Vice President Sara Duterte.
Sa kaniyang manipestasyon nitong Lunes, Hunyo 2, 2025, tahasan niyang iginiit na tila binalewala raw ang kakayahan ng kasalukuyang Kongreso na tumayo bilang impeachment court matapos itong maipit sa Senado sa loob ng halos apat na buwan.
“This delays due process and undermines our role as an impeachment court…,” aniya.
“If we cannot conclude the trial before June 30, 2025, we must recognize this impeachment case is functionally dismissed by constitutional operation…,” ani Tolentino.
CEAP, iginiit pagpapanatili ng Ethics sa college curriculum
Giit pa niya, hindi raw maaaring saluhin ng 20th Congress ang impeachment trial ni VP Sara dahil labag daw ito sa Konstitusyon.
“No action can be taken by the 20th Congress on the matter for lack of constitutional authority,” anang senador.
Dagdag pa niya, “Kahit anong pilit, hindi maitatawid lalo na kung lalabag sa saligang batas.”
Paliwanag pa ni Tolentino, tanging ang kasalukuyang Kongreso lang daw na tumanggap ng impeachment complaints sa isang akusado ang maaaring tumugon dito.
“Jurisdction over impeachment is exclusive to the Congress that receives the complaint,” aniya.
Matatandaang umano ng samu’t saring reaksyon ang naturang desisyon ni Escudero nang ipagpaliban niya mula sa orihinal na araw ng Hunyo 2 ang nasabing pagbasa sa articles of impeachment ni VP Sara.
KAUGNAY NA BALITA: Senado, iniurong sa June 11 ang pagbabasa ng articles of impeachment vs VP Sara
