Inalmahan ni Sen. JV Ejercito ang planong pagsisimula ng rehabilitasyon ng buong EDSA sa darating na buwan ng Hunyo.

Sa isang Facebook post nitong Sabado, Mayo 31, 2025, may suhestiyon si Ejercito sa mas maayos daw na pagsasagawa ng rehabilitasyon sa EDSA.

"I am just wondering if the departments and agencies concerned did an economic impact assessment on the total EDSA rehabilitation. Might be more detrimental than beneficial in the short term," ani Ejercito.

Dagdag pa niya, "My proposal is to do the total EDSA rehabilitation project once the North-South Commuter Line and the Metro Manila Subway System are operational already."

National

Orange warning, itinaas sa Metro Manila, mga kalapit na lugar

Saad pa niya, mas magiging masikip daw ang daloy ng trapiko lalo pa't magsasabay ang pagkukumpuni ng EDSA at ang implementasyon ng no contact apprehension policy (NCAP).

"With the current situation, with the volume of cars and motorcycles that will be banned on overpasses and underpasses, NCAP initial implementation, VIP convoys that snarl traffic flow, these are ingredients for a hellish situation in the Metro," anang senador.

Hirit pa niya, "Hindi ito magiging magulo, SOBRANG GULO!"

Matatandaang nauna nang inihayag ng Metropolitan Manila Development Authority (MMDA) at Department of Transportation (DOTr) ang iba't ibang pansamantalang solusyon sa inaasahang pagbigat ng trapiko kapag nagsimula na ang rehabilitasyon sa buong EDSA. 

Kabilang sa mga ito ang odd-even scheme, free toll fee sa Skyway stage 3, mas maraming unit ng EDSA Carousel at dagdag na mga bagon sa MRT-3.

KAUGNAY NA BALITA: Libreng toll sa Skyway 3, ‘odd even scheme,’ ipapatupad sa kasagsagan ng EDSA rehabilitation