Pangilinan, binigyang-pugay mga mangingisda sa National Fisherfolk Day

By Ralph Mendoza

May 31, 2025

In BALITA National

Nagbigay ng pagpupugay si Senator-elect Atty. Kiko Pangilinan para sa mga mangingisda bilang pagdiriwang sa National Fisherfolk Day.

Nagsimulang ideklara ang Mayo 31 bilang araw ang mga mangingisda noon pang 2000 sa bisa ng Proclamation No. 261 series of 2000 na naglalayong kilalanin ang ambag ng mga manggagawa sa naturang sektor.

Sa latest Facebook post ni Pangilinan nitong Sabado, Mayo 31, sinabi niyang ipagpapatuloy umano niya ang pagsusulong sa kapakanan ng mga mangingisda ngayong nakabalik siya sa Senado.

Aniya, “Sa ating pagbabalik sa Senado, patuloy ang ating mga programang magsusulong ng kapakanan ng ating mga mangingisda para maiangat ang kanilang kabuhayan.”

“Dahil naniniwala tayong para matiyak ang ating pagkain, kailangan nating siguraduhing hindi naiiwanan ang ating mga magsasaka't mangingisda,” dugtong pa niya.

Matatandaang isa sa pangunahing pangako ni Pangilinan noong kampanya ay ang pagpapababa sa presyo ng pagkain.

MAKI-BALITA: Kapag nahalal bilang senador: Pangilinan, tututok sa pagpapababa ng presyo ng pagkain

CEAP, iginiit pagpapanatili ng Ethics sa college curriculum

Nanindigan ang Catholic Educational Association of the Philippines (CEAP) sa pagpapanatili ng Ethics sa college curriculum.Sa pahayag ng CEAP nitong Biyernes, Hunyo 6, sinabi nilang hindi opsyonal kundi esensyal na bahagi ng kurikulum sa kolehiyo ang Ethics.“The Catholic Educational Association of the Philippines is resolute in its stand that Ethics should remain an essential part of the college...

Pagbuwag sa SHS, nasa kamay ng Kongreso —Angara

Naghayag ng reaksiyon si Department of Education (DepEd) Secretary Sonny Angara kaugnay sa napipintong pagkalusaw ng senior high school bilang bahagi ng basic education.Ito ay matapos maghain ni Senador Jinggoy Estrada ng Senate Bill No. 3001 na nagpapanukala ng pag-amyenda sa RA 10533.MAKI-BALITA: Sen. Jinggoy Estrada, ipu-push na mabaklas ang SHS sa K-12Sa pahayag ni Angara nitong Biyernes,...

Reso ni Bato para ibasura paglilitis kay VP Sara, ‘walang sense’ —Lacson

Nagbigay ng pahayag si Senator-elect Panfilo “Ping” Lacson kaugnay sa resolusyon ni Senador Ronald “Bato” Dela Rosa na magbabasura sa impeachment trial laban kay Vice President Sara Duterte.Sa isang pahayag nitong Biyernes, Hunyo 6, sinabi ni Lacson na hindi umano siya sang-ayon sa draft ng nasabing resolution ni Dela Rosa.'There is no sense in the draft resolution calling for the de...