Birthday greetings ni Rep. Castro kay VP Sara: 'Reflect on her actions!'

By Kate Garcia

May 31, 2025

In BALITA

May mensahe si ACT Teachers Party-list Rep. France Castro sa pagdiriwang ni Vice President Sara Duterte ng ika-47 kaarawan ngayong Sabado, Mayo 31, 2025.

Sa kaniyang pahayag nitong Sabado, hinamon ni Castro si VP Sara na pagnilayan daw ang kaniyang mga ginagawa.

"Instead of celebrating with more lies and political theatrics, VP Duterte should use this occasion to reflect on her actions and face the impeachment charges squarely. The Filipino people deserve transparency, not squid tactics," ani Castro.

Giit pa ni Castro, dapat daw na piliin na ni VP Sara ang katotohanan at pananagutan sa mga hinaharap nitong kaso, partikular sa isyu ng nakabinbin niyang impeachment.

"On her birthday, we challenge VP Sara Duterte to choose truth over deception, accountability over evasion. The impeachment process is constitutional and legitimate-she should respect it instead of undermining it with her desperate antics," saad ng mambabatas.

Si VP Sara ay kasalukuyang nasa The Hague, Netherlands kung saan niya sinalubong at ipinagdiriwang ang kaniyang kaarawan kasama ang amang si dating Pangulong Rodrigo Duterte na nasa kustodiya ng International Criminal Court (ICC) at inang si Elizabeth Zimmerman.

Sa Hunyo 4 inaasahang babalik sa bansa ang Pangalawang Pangulo habang sa Hunyo 11 naman isasagawa ang ipinagpalibang pagbabasa ng articles of impeachment sa Senado—upang simulan ang pag-usad ng kaniyang impeachment trial.

₱100k pabuya, ikinasa para sa hustisya ng 3 goat dealer na pinatay sa Maguindanao

Magbibigay na ng pabuya ang lokal na pamahalaan ng Calatagan, Batangas para sa sa kung sinumang makapagturo sa pumatay sa tatlong goat dealer na natagpuan sa Maguindanao del Sur.Batay sa isang resolusyon, tinatayang nasa ₱100,000 ang ibibigay ng lokal Calatagan upang magkaroon na raw sila ng lead sa kung sino o kung sino-sino raw ang suspek sa tatlo nilang kababayang ibinaon na lamang sa isang...

Leni nagpasalamat kay Joy; QC, Naga mag-'Sister City' matagal na

Nagpasalamat si dating Vice President at ngayo'y Naga City Mayor-elect Leni Robredo kay re-elected Quezon City Mayor Joy Belmonte matapos ang mainit na pagtanggap sa kaniya sa munisipyo ng Quezon City, Miyerkules, Hunyo 4, para sa kanilang pagpupulong.Nagkita ang dalawang mayor upang talakayin ang best practices ng lokal na pamahalaan ng Quezon City patungkol sa pabahay at iba pang mga...

Hula ni Sen. Koko, senate reso laban sa impeachment, pasabog sa Hunyo 11

May hula umano si Sen. Koko Pimentel kung kailan magagamit ang umiikot umanong resolusyon sa Senado na naglalayong ibasura ang nakabinbing impeachment trial ni Vice President Sara Duterte.Sa isang radio interview nitong Huwebes, Hunyo 5, 2025, sinabi na Pimentel na maaaring maging panggulat ang nasabing resolusyon kapag nagsimula na ang pagbasa ng articles of impeachment sa Hunyo 11.“[I]yang...