Naghayag ng pagtutol ang Congress of Teachers and Educators for Nationalism and Democracy (CONTEND) kaugnay sa napipintong pagtatapyas sa tatlong general education subjects na Art Appreciation, Contemporary World, at Ethics sa college curriculum.
Sa Facebook post ng CONTEND noong Huwebes, Mayo 29, sinabi nilang manipestasyon umano ng repormang ito ang mababaw na pag-unawa ng Department of Education (DepEd) at Commission on Higher Education (CHED) sa pag-aaral.
“What underlies this proposal is a market-driven mentality that sees students as future laborers to be deployed as quickly and cheaply as possible, emphasizing internships and job-readiness to show an obsession with skills training at the expense of intellectual formation, critical thinking, and nationalism,” saad ng CONTEND.
“Ironically,” pagpapatuloy nila, “there aren’t even enough decent jobs in the country to begin with, and graduates are left with little choice but to seek work abroad, often under exploitative conditions, forced to sell their labor just to survive.”
PBBM, pinahahanap student athletes na nag-wacky ng mukha sa speech niya
Dagdag pa ng grupo, ang krisis na ito sa edukasyon ay dapat maunawaan sa mas malawak na konteksto ng lipunan. Dahil kung tutuusin, hindi umano ang maraming general subjects ang problema kundi “lack of quality,” “contextual relevance,” at “critical content” kung paano ito inihahatid sa mga estudyante.
Kaya sa halip na kaltasan, nanawagan silang palakasin ang mga GE subjects sa kolehiyo sa pamamagitan ng pagpapayaman sa content nito na mailalapat sa reyalidad mayroon ang Pilipinas, at pagpapanumbalik sa kung ano ba talaga ang pangunahing gampanin nito sa pagbuo ng kapasidad ng mga mag-aaral.
Anila, “We need a GE that builds historical consciousness, sharpens critical analysis, and fosters democratic engagement—not one that is gutted to make way for short-term economic gain.”
“Education must serve the nation, not the market,” dugtong pa ng CONTEND.
Matatandaang ang pagtatapyas sa tatlong nabanggit na GE subject ay nakatuntong sa argumentong maiwasan ang reduplikasyon sa pag-aaral ng mga ito sa senior high school at kolehiyo.
MAKI-BALITA: Tatlong GenEd subjects, tatapyasin sa college curriculum?
