Mayor Joy, Mayor Benjie, at Mayor Vico nagpulong para sa 'Good Governance'

By Richard De Leon

May 27, 2025

In BALITA National

Sa pambihirang pagkakataon ay nagsama-sama at nagsagawa ng pulong sina Quezon City Mayor Joy Belmonte, Baguio City Mayor Benjamin Magalong, at Pasig City Mayor Vico Sotto para pag-usapan ang "Good Governance" ng mga nahalal na alkalde.

Sina Belmonte, Magalong, at Sotto ay pare-parehong nakabalik sa kani-kanilang termino matapos tumakbo at manalo sa naganap na 2025 National and Local Elections.

Sila rin ay convenors ng "Mayors for Good Governance" o samahan ng mga alkalde sa bansa.

"Ngayong araw, nagpulong ang ilan sa ating M4GG convenors na sina Mayor Benjie Magalong, Mayor Joy Belmonte, at Mayor Vico Sotto," mababasa sa post sa official Facebook page ng samahan.

"Napag-usapan ng ating tatlong convenors ang nagdaang halalan at ang kanilang paghahanda sa kanilang bagong termino."

"Gayundin, napag-usapan din nila ang pagpapalakas pa ng Mayors for Good Governance, pag-capacitate sa mga miyembrong alkalde at kanilang LGUs, at patuloy na pagsusulong ng mga adbokasiya nito."

"Naipanalo natin ang mabuting pamamahala, ngunit tuluy-tuloy ang ating trabaho upang tunay na maramdaman ito ng ating mga kababayan! Sumama na sa ating krusada!" mababasa pa.

'The spirit of QUADCOMM lives on!!!' Rep. Luistro, flinex kasamang 'mentors'

Usap-usapan ang pagbabahagi ni re-elected Batangas 2nd district Rep. Gerville 'Jinky Bitrics' Luistro sa mga kasamahan niya sa quad-committee sa House of Representatives, Lunes, Mayo 26.Pinamumunuan ni Surigao del Norte 2nd district Rep. Robert Ace Barbers bilang overall chairman, binubuo ang quad-comm ng House Committee on Dangerous Drugs, Committee on Public Order and Safety, Committee...

Sadako sa kanal? Babae sa Makati, nambulabog matapos lumabas mula sa drainage

Ikinagulat ng mga motorista at residente sa bandang Rufino at Adelantado Street sa Legazpi Village, Makati City ang biglang paglabas ng isang babae mula sa isang kanal sa kalsada.Ayon sa ulat ng '24 Oras,' ibinahagi ng uploader ng mga larawan sa social media platform na 'Reddit' na nagulat daw ang mga nakakita sa biglang pagsulpot ng ulo ng isang babae sa nabanggit na...

16-anyos na babae, timbog; nakuhanan ng ₱1.4M halaga ng shabu

Nakumpiska sa 16-anyos na babae ang shabu na nagkakahalaga ng ₱1.4 milyon sa buy-bust operation na ikinasa ng Eastern Police District (EPD) sa Barangay Pinagbuhatan, Pasig City kamakailan.Batay sa ulat ng pulisya, nakabili ang isang pulis na nagpanggap na buyer ng ₱1,000 halaga ng shabu mula sa suspek matapos ang ilang araw na surveillance.Kinilala ang batang babae sa alias na “Indang” na...