Harry Roque, wala raw 2 o 3 passport: 'Itotodo na nila ang paninira sa akin'

By Nicole Therise Marcelo

May 27, 2025

In BALITA National

Tinawag ni Harry Roque na "fake news" ang naging pahayag ng Department of Justice (DOJ) na mayroon siyang dalawa o tatlong passport.

Sa panayam ng media kay DOJ Sec. Jesus Crispin Remulla kamakailan, nabanggit niyang may iba pang passport si Roque matapos nilang ihain ang isang mosyong magkakansela sa passport nito.

"It will limit his options. I think he holds two or three passports pa nga eh. May nagsabi sa akin ng ganoon. Ang mahalaga, talagang mapilitan siya mag-account sa kaniyang mga ginawa dito at at depansahan niya ang sarili niya," anang DOJ secretary.

Sa isang pahayag nitong Martes, Mayo 27, sinabi ni Roque na "fake news" ang naturang impormasyon tungkol sa kaniyang passport.

"Fake news ang pinapakalat ng Marcos Jr. administration na mayroon daw akong multiple passports. Ni Hindi nga masabi ng Department of Justice kung dalawa o tatlo ang aking pasaporte. May nahilo na naman," pahayag ni Roque.

Giit pa niya, isang regular passport lang ginagamit niya at ito raw ay nasa mga awtoridad ng Dutch para sa kaniyang asylum application sa Netherlands.

"For the record, I am currently using one regular passport, because the other regular one (still current) has no more blank pages," aniya.

"The Department of Foreign Affairs would certainly know that the previous current one is cancelled without prejudice. My regular passport is presently with the Dutch authorities as part of my asylum application," dagdag pa niya.

"Also, I am no longer using a diplomatic passport since I left government several years ago."

Sa huli, pinag-iingat niya ang mga Pinoy dahil sa mga umano'y fake news.

"Mga kababayan, mag-ingat po tayo sa naglipanang fake news. Itotodo na nila ang paninira sa akin."

'The spirit of QUADCOMM lives on!!!' Rep. Luistro, flinex kasamang 'mentors'

Usap-usapan ang pagbabahagi ni re-elected Batangas 2nd district Rep. Gerville 'Jinky Bitrics' Luistro sa mga kasamahan niya sa quad-committee sa House of Representatives, Lunes, Mayo 26.Pinamumunuan ni Surigao del Norte 2nd district Rep. Robert Ace Barbers bilang overall chairman, binubuo ang quad-comm ng House Committee on Dangerous Drugs, Committee on Public Order and Safety, Committee...

Sadako sa kanal? Babae sa Makati, nambulabog matapos lumabas mula sa drainage

Ikinagulat ng mga motorista at residente sa bandang Rufino at Adelantado Street sa Legazpi Village, Makati City ang biglang paglabas ng isang babae mula sa isang kanal sa kalsada.Ayon sa ulat ng '24 Oras,' ibinahagi ng uploader ng mga larawan sa social media platform na 'Reddit' na nagulat daw ang mga nakakita sa biglang pagsulpot ng ulo ng isang babae sa nabanggit na...

Mayor Joy, Mayor Benjie, at Mayor Vico nagpulong para sa 'Good Governance'

Sa pambihirang pagkakataon ay nagsama-sama at nagsagawa ng pulong sina Quezon City Mayor Joy Belmonte, Baguio City Mayor Benjamin Magalong, at Pasig City Mayor Vico Sotto para pag-usapan ang 'Good Governance' ng mga nahalal na alkalde.Sina Belmonte, Magalong, at Sotto ay pare-parehong nakabalik sa kani-kanilang termino matapos tumakbo at manalo sa naganap na 2025 National and Local...