Nagbigay ng reaksiyon si Kapuso actress-host Gabbi Garcia kaugnay sa komento ng ilan na tila siya raw ay paborito ng GMA at ABS-CBN.
Matatandaang dalawang beses na siyang napapabilang sa collaboration project ng dalawang malaking network sa bansa.
Kaya sa latest episode ng “Fast Talk with Boy Abunda” kamakailan, sinabi ni Gabbi na hindi raw siya estranghero sa ABS-CBN.
“I feel like din kasi I’m no stranger also sa ABS-CBN. I have a lots of friends from ABS. Maybe I’m a people person also. I like conversing with people that’s why I easily get along with both networks,” saad ni Gabbi.
Kim Rodriguez, fresh daw dahil 'alagang' Gov. Daniel Fernando?
Dagdag pa niya, “Or maybe talagang gustong-gusto ko siya. Nama-manifest ko siya.”
Kasalukuyang host si Gabbi sa Pinoy Big Brother: Celebrity Collab Edition. Pero bago pa man ito ay gumanap din siya sa teleseryeng “Unbreak My Heart” noong 2023 kasama si Joshua Garcia.
MAKI-BALITA: Gabbi Garcia, Kapuso host ng 'Pinoy Big Brother Celebrity Edition Collab'
MAKI-BALITA: 'Unbreak My Heart!' GMA, ABS-CBN, at Viu, sanib-puwersa sa isang collab project
