OTW to Hague? Sen. Bato, spotted na sa Europe!

By Kate Garcia

May 24, 2025

In BALITA

Naispatan si Sen. Ronald “Bato” dela Rosa sa Europe—ilang araw matapos niyang ihayag ang balak na pagbisita kay dating Pangulong Rodrigo Duterte sa The Hague, Netherlands.

Sa kaniyang Facebook post nitong Sabado, Mayo 24, 2025, ibinahagi ng senador ang kaniyang larawan na kuha raw sa isang bansa sa Europe.

“Malamig pa rin pala ngayon sa Europe,” ani Dela Rosa.

Matatandaang matapos maiproklama bilang senador noong Mayo 17, sinabi niyang magbabakasyon daw sila ng kaniyang pamilya at bibistihan ang kaalyadong si dating Pangulong Duterte na nasa kustodiya ng International Criminal Court (ICC).

“Mag-try ako mag-apply ng Schengen visa. At kung bibigyan ako, tanungin ko sa ES Medialdea kung okay ba kung pumunta ako doon [ICC],” anang senador.

KAUGNAY NA BALITA: Matapos manalo sa eleksyon, Sen. Bato, balak bisitahin si FPRRD sa The Hague

Isa si Dela Rosa sa mga matutunog na pangalang nakatakda umanong isunod ng ICC na arestuhin kaugnay ng naging madugong kampanya ni dating Pangulong Duterte kontra droga.

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Matapos gipitin ng CCG: Pinsala sa research vessels ng BFAR, aabot daw ng milyong halaga

Posible umanong umabot ng milyon ang halaga ng nasirang bahagi ng BRP Datu Sanday-isa sa mga research vessel ng Bureau of Fisheries and Aquatic Resources (BFAR) na binomba ng tubig at ginitgit ng Chinese Coast Guard. Sa news forum nitong Sabado, Mayo 24, 2025, kinumpirma ni BFAR spokesperson Nazario Briguera ang nasabing pinsala sa BRP Datu Sanday.'It would entail thousands of pesos yung sa...

Heidi Mendoza kay PBBM: ‘Mukhang trip to Jerusalem lang’

Nagbigay ng reaksiyon ang dating komisyuner ng Commission on Audit (COA) na si Heidi Mendoza kaugnay sa direktiba ni Pangulong Bongbong Marcos Jr., na mag-courtesy resignation ang mga miyembro ng kaniyang gabinete. Sa latest Facebook post ni Mendoza nitong Sabado, Mayo 24, inilarawan niya ang ginawang “courtesy resignation” ng mga gabinete ni Marcos bilang “trip to Jerusalem.”“Mukhang...

Netizens, may open letter kay Senator-elect Kiko dahil sa Maguad siblings

Matapos mapanood ang kuwento sa likod ng pagpaslang sa magkapatid na Crizzle Gwynn at Crizville Louis Maguad na isinabuhay sa muling nagbalik na 'Maalaala Mo Kaya' o MMK, marami sa mga netizen ang nanawagan kay Senator-elect Kiko Pangilinan kaugnay sa Republic Act 9344, o Juvenile Justice and Welfare Act, na siya ang principal author.Ibinahagi ng mga netizen ang Facebook post/open letter...