Bersamin tungkol sa patutsada ni Rodriguez: Kantyaw nang kantyaw

By Nicole Therise Marcelo

May 23, 2025

In BALITA National

Sinagot ni Executive Secretary Lucas Bersamin ang naging patutsada ni dating Executive Secretary Vic Rodriguez kaugnay sa sinabi ng huli na kahit magpalit-palit pa ng cabinet secretary, si Pangulong Bongbong Marcos Jr. umano ang problema.

Matatandaang pinatutsadahan ni Rodriguez si Marcos matapos itong manawagan ng courtesy resignation sa mga miyembro ng gabinete.

BASAHIN: Vic Rodriguez kay PBBM: 'Kahit magpalit-palit ka pa ng cabinet secretary, ang problema ikaw mismo'

BASAHIN: Pakikinggan ang mga tao? PBBM, pinagre-resign mga miyembro ng gabinete

Sa isang press conference nitong Biyernes, Mayo 23, sinagot ni Bersamin ang patutsada ni Rodriguez.

"Alam mo si Vic Rodriguez daldal nang daldal yan e. Will you listen to him? Why was he taken out of the office, wala pa siyang tatlong buwan. Gusto niya makipag-away? Wag na. Kantyaw lang siya e. Kantyaw nang kantyaw," anang executive secretary.

"That's when you see, in the middle of the night, a dog barking at the fence. If you want to get up, you get up and throw stones at that dog. But we will not do that to him. Huwag na nating pansinin," dagdag pa niya.

Samantala, pinangalanan din ni Bersamin ang mananatiling limang miyembro ng economic team ni Marcos.

BASAHIN: Economic team ni PBBM, mananatili sa puwesto—Bersamin

Atty. Chel Diokno, benepisyaryo daw ng confidential funds ni VP Sara?

Pumalag si Congressman-elect Atty. Chel Diokno matapos umanong madamay ang kaniyang pangalan sa mga nakatanggap umano ng confidential funds mula kay Vice President Sara Duterte.Sa isang Facebook post nitong Biyernes, Mayo 23, 2025, diretsahan niyang tinawag na pawang “kawalang-hiyaan” na raw ang pagkakadawit umano ng kaniyang pangalan kasama si Kapuso artist Marian Rivera.'Lahat na ba...

Comelec, ‘di raw makapag-desisyon sa kapalaran ng Duterte Youth Party-list: ‘Komplikado!’

Nagpaliwanag ang Commission on Elections (Comelec) kung bakit nakabinbin pa rin ang kaso at proklamasyon ng Duterte Youth Party-list.Sa pagharap ni Comelec Chairman George Erwin Garcia sa media nitong Biyernes, Mayo 23, 2025, iginiit niyang komplikado raw ang kaso ng Duterte Youth Party-list—kumpara sa disqualification case naman ng Bagong Henerasyon Party-list.“Yun po kasing sa Duterte Youth,...

ES Lucas Bersamin, 'di sinibak bilang cabinet member

Mananatili pa ring miyembro ng gabinete ni Pangulong Bongbong Marcos Jr. si Executive Secretary Lucas Bersamin.Aniya, hindi tinanggap ni Marcos ang isinumite niyang courtesy resignation. 'The President declined the courtesy resignation that I tendered. Just this morning, he communicated to me that I have his full backing for as long as I wish to work for him,' saad ni Bersamin sa...