Home

BALITA

National

Giit ni HS Romualdez sa bentahan ng ₱20 na bigas: 'The beginning of a national transformation!'

May 18, 2025

Photo courtesy: Manila Bulletin file photo

Giit ni HS Romualdez sa bentahan ng ₱20 na bigas: 'The beginning of a national transformation!'

By Kate Garcia

May 18, 2025

In BALITA National

Nagpahayag ng pagsuporta si House Speaker Martin Romualdez sa muling pagsisimula ng bentahan ng ₱20 na bigas sa ilang Kadiwa market sa bansa.

Sa kaniyang pahayag nitong Linggo, Mayo 18, 2025, iginiit ni Romualdez na ito na raw ang simula ng pagbabago.

“This is not a one-time rollout. This is the beginning of a national transformation. President Marcos is showing us that with political will and smart budgeting, ₱20/kilo rice is not just possible—it’s happening,” anang House Speaker.

Matatandaang noong Mayo 13 nang muling ibalik ang pagbebenta ng ₱20 na bigas matapos itong ipagbawal ng Commission on Elections (Comelec) bunsod umano ng posibilidad na mapolitika lamang ang naturang programa ng administrasyon ni Pangulong Ferdinand “Bongbong” Marcos, Jr.

Iginiit din ng House Speaker na susubukan nilang palawakin pa ang mga benepisyaryong maaari pang makabili ng murang halaga ng bansa.

“We will also consider tapping AKAP and other targeted subsidy programs as complementary channels to reach the near-poor and vulnerable,” ani Romualdez.

Sa kasalukuyan, tanging mga miyembro pa lamang ng Pantawid Pamilyang Pilipino Program (4Ps), person with disability (PWDs), solo parents at senior citizens ang pasok na makinabang sa nasabing programa.

Dagdag pa ni Romualdez, “No Filipino should go hungry when our farmers are ready to feed the nation. ₱20/kilo rice is not a fantasy—it’s a question of priority. And it is a top priority under this administration.”

PNP, makikipag-ugnayan sa CHR sa mga ikakasang pag-aresto

Nasa plano na umano ng Philippine National Police (PNP) na makipag-ugnayan sa Commission on Human Rights (CHR) hinggil sa kanilang ikakasang mga operasyon.Ayon kay PNP Spokesperson Police Brigadier General Jean Fajardo, inihayag niyang nakahanda na raw silang magtungo sa tanggapan ng CHR upang ipaliwanag ang direktiba ni PNP Chief Nicolas Torre na “paramihan ng mahuhuling kriminal.”“Dati...

Bilang ng enrollees sa paparating na pasukan, lolobo ng 27 milyon!—DepEd

Kinumpirma ng Department of Education (DepEd) na papalo sa 27 milyon ang enrollees mula preschool hanggang senior high school para sa School Year 2025 hanggang 2026.Sa panayam ng Super Radyo dzBB kay DepEd Assistant Secretary Jocelyn Andaya noong Sabado, Hunyo 7, 2025, tinatayang nasa daang libong mga bagong classrooms na raw ang kanilang naipatayo upang matugunan ang bilang ng mga...

50% ng mga Pilipino, aminadong naghihirap pa rin—SWS

Inihayag sa pinakabagong datos ng Social Weather Station (SWS) na nasa 50% ng mga Pilipino sa buong bansa ang nagsasabing mahirap pa rin sila.Ginawa ang naturang survey mula Abril 23 hanggang 28, 2025, kung saan mas mababa ito ng 5% kumpara sa nauna nilang datos noong Abril 11 hanggang 15 na nasa 55%. Ayon sa SWS, nagmula ang nasabing pagbaba ng 5% mula sa Metro Manila at Mindanao.Samantala,...