“Sa gobyernong tapat, kasama lahat…”
Ito ang pahayag ni Pangulong Ferdinand “Bongbong” Marcos Jr. matapos niyang sabihing naniniwala siyang naghalal ang mga Pilipino nitong 2025 midterm elections ng mga lider na “nakikinig” at “umaaksyon.”
Sa isang mensahe nitong Martes, Mayo 13, nagpasalamat si Marcos sa lahat ng mga Pinoy na bumoto sa 2025 midterm elections nitong Lunes, Mayo 12.
“Maraming salamat sa bawat Pilipinong bumoto. Once again, our democracy has renewed itself—peacefully, orderly and with dignity. It is both a celebration of continuity and a call to act on the real challenges our people face,” ani Marcos.
'Yorme' Isko 'di pa napoproklama: 'Patiently waiting lang sa gedli'
“Filipinos elected leaders who will listen and act—on inflation, on jobs, on corruption and on the everyday burdens they carry. These are issues we must face head-on.”
Ipinaabot din ng pangulo ang kaniyang pasasalamat sa mga sumuporta sa kaniyang senatorial slates na Alyansa para sa Bagong Pilipinas.
“We may not have won every seat, but our work and mission continue,” ani Marcos, na pinatutungkulan ang partial at unofficial results ng eleksyon.
Base sa unofficial results dakong 12:58 ng tanghali nitong Martes, kung saan 97.20% na ang nabilang, anim sa 11 kandidato ng Alyansa ang nakapasok sa magic 12: sina ACT-CIS Partylist Rep. Erwin Tulfo na nasa rank 4, dating Senador Ping Lacson na nasa rank 7, dating Senate President Tito Sotto na nasa rank 8, reelectionist Senator Pia Cayetano na nasa rank 9, Las Piñas Rep. Camille Villar na nasa rank 10, at reelectionist senator Lito Lapid na nasa rank 11.
“To those who did not make it, your courage to stand for public service is deeply respected. Public service goes beyond elections. The work of nation-building needs all who are ready to serve,” aniya.
Binanggit din ni Marcos ang sinabi umano ng kaniyang amang si dating Pangulong Ferdinand Marcos Se. na: “If we are to prevail, we must prevail as Filipinos—for it is the only way to endure. If we are to attain our goals, we must march forward, not to the past but to the future. And we must do this as one family, a nation united.”
“Governance is a shared responsibility, a mission that requires unity and burden sharing for the common good. To the newly elected, regardless of party or coalition, I extend my hand. Let us move forward together—with open minds and a common purpose,” saad ni Marcos
“Sa gobyernong tapat, kasama lahat. May God bless our leaders, our people and our beloved Philippines,” dagdag pa niya.
