Raul Lambino, ibang pangalan daw lumabas sa resibo ng balota

By Ralph Mendoza

May 12, 2025

In BALITA Eleksyon

Ibinahagi ng senatorial aspirant sa ilalim ng PDP-Laban na si Raul Lambino ang nangyari umanong aberya matapos niyang bumoto sa kaniyang presinto.

Sa isang Facebook post ni Lambino nitong Lunes, Mayo 12, sinabi niyang bagama’t tinanggap naman daw ng machine ang kaniyang balota, wala raw verification at scanning na lumitaw sa screen. Blangko rin daw ang kaniyang resibong lumabas.

“Inulit ng BEI Chairman ang pagprint ng resibo at may lumabas na mga ibang pangalan na hindi ko binoto pati sarili ko, asawa ko atbp. Inulit muli ang pagprint ng resibo, ganoon pa rin!” saad ni Lambino.

Dagdag pa niya, “Iba ang lumabas na mga pangalan sa resibo! Ibang mga pangalan ng kandidato na hindi ko binoto ang lumabas, at WALA iyong pangalan ko, asawa ko atbp kandidato na aking binoto!!”

Ngunit sa kabila ng nangyari, pinili pa ni Lambino na maging optimistiko. Hinikayat niya ang mga botante na bumoto pa rin at umasang mga tamang kandidato ang manalo ngayong 2025 midterm elections.

EcoWaste Coalition, sa mga kandidatong nawawala pagkatapos ng eleksyon: ‘The least they can do is clean it up’

Nakiusap ang EcoWaste Coalition sa mga kumandidato noong nakaraang eleksyon hinggil sa pagbabaklas na raw ng kani-kanilang campaign materials.Batay sa pahayag na inilathala ng komisyon noong Martes, Mayo 13, 2025, iginiit nilang hindi raw dapat nawawala ang mga kumandidato pagkatapos ng eleksyon dahil sa mga kalat na kanilang iniwan dulot ng campaign materials.“This isn’t just about picking up...

Pastor Apollo Quiboloy, nananawagan ng manual recount

Nananawagan ng manual recount si senatorial candidate Pastor Apolloy Quiboloy dahil sa umano'y 'numerous reports of overvoting anomalies, inconsistencies in ballot readings, and other electoral irregularities.'Sa isang pahayag ng spokesperson ni Quiboloy na si Israelito Torreon, nananawagan daw ang kaniyang kliyente na magsagawa ng manual recount dahil sa umano'y mga naiulat na...

Meralco, tapyas-singil sa kuryente ngayong Mayo

Magandang balita dahil magpapatupad ang Manila Electric Company (Meralco) ng tapyas sa singil ng kuryente ngayong Mayo 2025.Sa abiso ng Meralco, nabatid na nasa 75 sentimo kada kilowatt hour (kwh) ang bawas sa singil sa kanilang household rate ay dulot ng mas mababa ring generation at transmission charges.Ayon sa Meralco, dahil sa naturang P0.7499/kwh na tapyas sa singil sa kuryente, ang kanilang...