Tinira si Sen. Imee: Maharlika sa mga tao, 'Huwag kayong magpapauto!'-Balita

Tinira si Sen. Imee: Maharlika sa mga tao, 'Huwag kayong magpapauto!'

Maaanghang ang naging mga tirada ng social media personality na kritiko ni Pangulong Ferdinand "Bongbong" Marcos, Jr. na si Claire Contreras o mas kilala sa pangalang "Maharlika" kaugnay sa inilabas na campaign video ni re-electionist Sen. Imee Marcos.

Sa nabanggit na video na isang minuto ang itinakbo, iginiit ni Sen. Imee na hindi na "Marcos" ang nagpapalakad sa pamahalaan kundi "Romualdez at Araneta."

"Ang gobyerno ngayon ay hindi Marcos. Ang gobyerno ngayon ay Romualdez at Araneta," saad ng senadora, na tila pasaring sa kaniyang pinsang si House Speaker Martin Romualdez at hipag na si First Lady Liza Araneta-Marcos.

"Payo ni VP [Sara], magpalit na raw ako ng apelyido. Sagot ko, 'Inday, hindi ko kailangang magpalit ng apelyido. MARCOS AKO, I'm me! Ako ay ako! Ako ay si Imee Marcos," pahayag pa ng senadora sa inilabas niyang 1-minute video noong Biyernes, Mayo 9, tatlong araw bago ang eleksyon.

Agad namang rumesbak si Maharlika sa mga naging pahayag ng senadora, na ibinahagi rin sa social media platform na TikTok na may pamagat na "Imee Marcos, trending sa pag-mind control sa tao."

Katwiran niya, bakit hindi raw sabihin ng senadora na "inutil" ang kaniyang kapatid at ibinabagsak ang sisi sa pinsan at hipag, na malinaw na "paglilihis" lang daw.

Hinikayat niya ang mga tao na "huwag magpapauto" sa mga sinabi ng senadora.

"Bakit hindi niya [Sen. Imee] sabihin na inutil ang kaniyang kapatid? Bakit hindi mo sabihin sa sambayanang Pilipino na Marcos Jr., ading, adiktus benediktus, bumaba ka na... hindi niya masabi na inutil ang kapatid niya! Na adik na nagpapahirap sa inyong lahat!"

"Ngayon ilalabas niya sa picture si Bangag tapos kayo papauto-uto lang? Anyway, buhay n'yo 'yan! Huwag kayong magpapauto. Ito ay inililihis niya 'yong imahe ng kaniyang kapatid, sinisisi niya si 'Satanas' at itong si Romualdez na pinsan niya, at inilalayo niya 'yong kaniyang kapatid. Kaya para magalit kayo dito sa mga Romualdez at Araneta at mamahalin n'yo pa rin 'yong bangag niyang kapatid na ayaw magpa-hair follicle test," banat pa ni Maharlika.

MAKI-BALITA: Maharlika, binanatan si Sen. Imee sa 'Romualdez-Araneta gobyerno ngayon'

Samantala, wala pang tugon, reaksiyon, o pahayag ang kampo ni Sen. Imee Marcos tungkol sa isyu.

Pimentel, ‘di pinalusot si Escudero; kinuwestiyon pagbabago sa impeachment calendar

Umalma si outgoing Senator Koko Pimentel sa pagbabago ng schedule ng impeachment ni Vice President Sara Duterte na inilabas ni Senate President Chiz Escudero.Para kay Pimentel, nakakapagtaka raw ang biglaang pagbabago ng schedule na inilabas ni Escudero, gayung noong nakaraang buwan pa raw ito kasado.“We have to ask SP his thought processes and how come he is now changing his own ‘impeachment...

Sen. Jinggoy, inalmahan si De Lima; naniniwala daw sa tsismis?

Pumalag si Sen. Jinggoy Estrada sa naging reaksyon ni Congresswoman-elect Leila de Lima hinggil sa umano’y bali-balitang hindi na raw uusad ang nakabinbing impeachment trial ni Vice President Sara Duterte sa Senado.Sa pahayag ni Estrada nitong Biyernes, Mayo 30, 2025, iginiit niyang tanging tsismis lang daw ang pinaniniwalaan ni De Lima.“Na-grandstanding lang ‘yan [Leila de Lima] naniniwala...

MMDA, pinabulaanang may naparusahan sa pagbibigay-daan sa emergency vehicles

Tinawag na “misleading” ng Metropolitan Manila Development Authority (MMDA) ang kumakalat umanong mga komento sa social media hinggil sa paglabag sa no contact apprehension policy (NCAP) matapos magbigay-daan sa emergency vehicles.Sa pamamagitan ng Facebook post nitong Biyernes, Mayo 30, 2025, iginiit ng MMDA na wala raw katotohanan ang kumakalat na komento sa social media.“Misleading ang...