Itinuturing ni dating Vice President Leni Robredo si senatorial candidate Bam Aquino bilang isa sa kaniyang “biggest lifesavers.”
Sa isang Facebook post, binati ni Robredo si Aquino para sa kaarawan nito noong Miyerkules, Mayo 7.
“Happy Birthday to one of my biggest lifesavers, Bam Aquino,” ani Robredo sa kaniyang post nitong Huwebes, Mayo 8.
Nagbigay naman ng komento si Aquino sa post ni Robredo at nagpasalamat sa suporta nito sa kaniyang kandidatura sa pagkasenador para sa nalalapit na 2025 midterm elections.
SP Chiz, kinondena US gov't sa balak na ipa-deport mga Pinoy sa Libya: 'Filipinos are not camels!'
MAKI-BALITA: Ex-VP Leni kay Bam Aquino: 'He deserves to be back in the Senate'
“Maraming salamat, Ma'am! Salamat sa patuloy na suporta at inspirasyon! See you sa Naga!” saad ni Aquino.
Matatandaang naging campaign manager ni Robredo si Aquino nang tumakbo ito bilang pangulo ng bansa noong 2022 national elections.
Kasalukuyang tumatakbo bilang senador si Aquino habang bilang alkalde naman ng Naga City si Robredo.
Nakatakdang isagawa ang 2025 midterm elections sa Lunes, Mayo 12, 2025.
