Larry Gadon, iboboto sina Bam Aquino at Kiko Pangilinan

By Ralph Mendoza

May 07, 2025

In BALITA Eleksyon

Naghayag ng suporta si Presidential Adviser for Poverty Alleviation Secretary Larry Gadon sa kandidatura nina Bam Aquino at Atty. Kiko Pangilinan.

Sa isang video statement na lumutang kamakailan, sinabi ni Gadon na kabilang umano sina Aquino at Pangilinan sa mga iboboto niyang senador sa darating na 2025 midterm elections.

“Bilang fiscalizer, iboboto ko rin si Bam Aquino at Kiko Pangilinan dahil sila naman ay matalino at malawak na rin ang eksperyensiya sa panunungkulan sa publiko at sa gobyerno,” saad ni Gadon.

Bukod kina Aquino at Pangilinan, kabilang din si Bong Go sa iboboto ni Gadon kasama ang mayorya ng mga kandidatong senador sa ilalim ng Alyansa para sa Bagong Pilipinas tulad ni Benhur Abalos.

Samantala, nilinaw naman niya sa huli na maaari pa raw mabago ang listahan niya ng mga iboboto. Hindi rin daw siya nag-eendorso o nangangampanya.

Ipe, suportado ng mag-inang Honeylet, Kitty

Hinikayat ng mag-inang Honeylet Avanceña at Veronica 'Kitty' Duterte ang mga botante na iboto sa darating na halalan ang action star at senatorial aspirant na si Philip Salvador, na nasa ilalim ng Partido Demokratiko Pilipino–Lakas ng Bayan (PDP-Laban).Sa maiksing video clip na ibinahagi ng PDP-Laban, makikitang kasama ni 'Mr. Ipektibo' ang mag-ina ni dating Pangulong...

'Batas para sa mahirap' ipapanukala ni Willie Revillame 'pag naging senador

Diretsahang natanong ni Asia's King of Talk Boy Abunda si TV host-senatorial candidate Willie Revillame kung anong batas ang naiisip niya ipanukala kapag nanalo siya sa Senado.Sumalang sa panayam ni Boy si Willie na mapapanood sa social media page ng huli, na umere ng Miyerkules ng gabi, Mayo 7.Bago ang aktuwal na tanong ay naisalaysay muna ni Willie na galing siya sa hirap at lumaki siyang...

Kahit si FPRRD: Willie Revillame, matagal nang hinihikayat sumabak sa politika

Sumabak sa one-on-one interview ang TV host at senatorial aspirant na si Willie Revillame kay Asia's King of Talk Boy Abunda, upang uriratin kung bakit siya pumasok sa politika.Diretsahang tanong ni Boy ay kung bakit siya pumasok sa public service.Sagot ni Willie na nauna na niyang nasabi noon sa mga panayam sa kaniya, matagal nang may humihikayat sa kaniyang pasukin ang politika, kahit pa...