Rendon kay Yanna: 'Muka kang mabango pero ang baho naman ng ugali mo!'-Balita

Rendon kay Yanna: 'Muka kang mabango pero ang baho naman ng ugali mo!'

Binanatan ng social media personality na si Rendon Labador ang kontrobersyal na motovlogger na si "Yanna" matapos mag-viral ang video ng pakikipagtalo at pagdi-dirty finger sa isang nakaalitang motorista.

Naglabas ng public apology ang motovlogger subalit kinuyog pa rin siya ng madlang pipol, at kinastigo na rin ng Land Transportation Office (LTO) matapos isyuhan ng show cause order.

Hindi pinalagpas ni Rendon ang isyu sa pamamagitan ng Facebook posts noong Mayo 1.

"Yanna, paalala lang… ang pagiging influencer ay isang malaking responsibilidad. Mayroon tayong social responsibility na dapat tayo ang manguna sa pag papakita ng respeto sa kapwa. Nakakalungkot na hindi mo naibagay ang ugali mo sa itsura mo. Muka kang mabango pero ang baho naman ng ugali mo ‍," aniya.

Dagdag pa ni Rendon, "Eto ang payo ko sayo bilang kuya na galing na sa sitwasyon mo ngayon. Mahirap yang pinagdadaanan mo, alam ko. Kahit maging feeling tough ka, alam kong nasa dilim ka ngayon. Sana ibaba mo ang ego mo at humingi ka ng tawad sa mga tao."

"Hindi ko alam kung saan ka humuhugot ng kayabangan, hindi ka naman sikat at lalong hindi ka naman sobrang ganda, hindi ka din naman sobrang yaman para mag attitude. Sana sa mga taong hindi kaya mag pakita ng 'respeto' sa kapwa, paki usap huwag na muna kayong lumabas ng bahay."

"I-respeto natin ang motorcycle community, huwag nating dungisan at sirain ang mga magandang nasimulan. Ito kasi ay hindi lang basta basta libangan, kadalasan andito tayo para sa layuning mabalanse at malibang sa kanya kanya nating buhay. Ito ay isang positibong gawain na dapat nating mahalin."

"Yanna, andito lang ako kung kailangan mo ng totoong payo. Yung mga kaibigan mong influencer at vlogger na ginagatungan ka pa at tinotolerate ka pa ay hindi mo totoong kaibigan yan. Imbes na pag sabihan ka na mali ka, parang pinapalakas pa ang loob mo. Mag bago ka na habang hindi pa huli ang lahat. Andito lang kuya Rendon mo sasampalin kita ng katotohanan."

KAUGNAY NA BALITA: LTO, inisyuhan na ng show cause order ang moto vlogger na nam*kyu

Vice Ganda, suportado kandidatura ni Benhur Abalos

Nadagdagan na naman ng suporta ang kandidatura ni dating Department of Interior and Local Government (DILG) Secretary Benhur Abalos bilang senador. Sa latest Facebook post kasi ni Unkabogable Star Vice Ganda nitong Sabado, Mayo 3, inihayag niya ang suporta kay Abalos sa pamamagitan ng maikling video.“Kesa naman ‘yong mga walang kuwenta ang pumasok sa Top 12, dito na ako #1 Abalos, Benhur,”...

Makabayan sa mga huling araw ng kampanya: 'Bigkisan natin ang lakas ng nakikibakang sambayanan'

Nanawagan ang campagin manager ng Makabayan bloc na si Renato Reyes sa mga tagasuporta ng koalisayon na paigtingin pang lalo ang pangangampanya bago dumating ang nalalapit na 2025 midterm elections.Sa isang Facebook post ng Makabayan noong Sabado, Mayo 2, hinimok ni Reyes ang mga tagasuportang bigkisin ang lakas ng nakikibakang sambayanan.“Sa huling mga araw ng kampanya, bigkisin natin ang lakas...

Kung walang farmer, walang teacher—Pangilinan

Nagbigay ng pahayag si senatorial aspirant Atty. Kiko Pangilinan hinggil sa halaga ng mga magsasaka sa isang bansa.Sa latest episode ng “Showbiz Updates” ni Ogie Diaz kamakailan, binanggit ni Pangilinan na hindi magkakaroon ng mga gurong lumilikha ng iba’t ibang propesyon kung wala ang mga magsasakang nagsusuplay ng pagkain. Aniya, “Sabi nga ng isa, importante ang pagiging teacher. Noble...