Rita Avila, inendorso sina Kiko-Bam-Heidi-Luke sa pagkasenador

By Ralph Mendoza

April 29, 2025

In BALITA Eleksyon

Isinapubliko ng beteranang aktres na si Rita Avila ang apat na nangungunang senador sa kaniyang listahan sa darating na 2025 midterm elections.

Sa isang Facebook post ni Rita noong Lunes, Abril 28, makikita ang collage na larawan ng senatorial aspirants na sina Kiko Pangilinan, Bam Aquino, Heidi Mendoza, at Luke Espiritu.

“#senators OUR SENATORS with Sen. Risa!” saad ni Rita sa caption.

Samantala, nilapag din ng aktres sa comment section ang screenshot ng post mula sa isang Facebook group kung saan naroon ang iba pang pangalan ng iba pang kumakandidatong senador tulad nina Ronnel Arambulo, Robert Ballon, Arlene Brosas, France Castro, David D’ Angelo, Leody De Guzman, Sonny Matula, Danilo Ramos, at ang Mamamayang Liberal (ML) naman para sa party-list.

Matatandaang isa si Rita sa mga artistang bumoboses sa politika. Hayagan din niyang sinuportahan sa pagkapangulo si dating Vice President Leni Robredo noong 2022 presidential elections.

MAKI-BALITA: Rita Avila, proud sa kaniyang pink 'Leni Kiko' spaghetti; dedma sa mga bashers

Rita Avila, nagpaalala: 'Huwag na po tayong masilaw sa ayuda'

Nagbigay ng paalala sa nalalapit na 2025 midterm elections ang aktres na si Rita Avila hinggil sa pagtanggap ng ayuda o pera.Sa isang Facebook post ni Rita noong Lunes, Abril 28, panandaliang tulong lang umano ang ayuda at hindi naman paninindigan.“Huwag na po tayong MASILAW sa AYUDA o PERA. Panandaliang tulong lang sa atin na di naman nila paninindigan. Di pa ba natin napapansin?” saad ni...

Chinese na may dala umanong ‘spy equipment,’ inaresto ng NBI malapit sa Comelec

Isang Chinese national na may dala umanong “spy equipment” ang inaresto ng National Bureau of Investigation (NBI) malapit sa tanggapan ng Commission on Elections (Comelec) sa Intramuros, Maynila nitong Martes, Abril 29.Narekober ng NBI sa sasakyan na inupahan ng nasabing Chinese national ang equipment na International Mobile Subscriber Identity na hinihinalang ginagawang instrumento upang...

Giit ni Kiko: ‘Wala nang mabili ang minimum wage’

Suportado ni senatorial aspirant Kiko Pangilinan ang panawagan ng labor sector na P200 dagdag-sahod sa pribadong sektor dahil aniya 'wala nang mabibili ang [kasalukuyang] minimum wage' sa Metro Manila.Binigiyang-diin ni Pangilinan ang latest Social Weather Stations (SWS) survey kung saan tinatayang 15.5 milyong mga pamilyang Pilipino ang “mahirap” ang tingin sa kanilang sarili.Base...