'Marcos pa rin!' Sen. Imee nag-react sa joke ni VP Sara, 'di papalitan apelyido

By Richard De Leon

April 29, 2025

In BALITA National

Nahingan ng reaksiyon si Sen. Imee Marcos hinggil sa naging hirit na biro ni Vice President Sara Duterte na dapat na siyang magpalit ng apelyido, nang lumahok ang Pangalawang Pangulo sa campaign sortie ni Manila mayoral candidate Isko "Moreno" Domagoso kamakailan.

Ayon kay Sen. Imee, kahit may "bangayan" ang administrasyon ng kaniyang kapatid na si Pangulong Ferdinand "Bongbong" Marcos, Jr. at ang kampo ng mga Duterte, hindi raw niya papalitan ang kaniyang apelyidong Marcos.

Palagay raw ng senadora, hindi niya kailangang magpalit ng apelyido dahil tapat siya sa kanilang amang si dating Pangulong Ferdinand Marcos, Sr., aniya sa mga miyembro ng media.

Aminado rin siyang naaapektuhan ang kaniyang re-election dahil sa kaniyang apelyido, at dahil na rin sa pangunguna niya sa imbestigasyon ng Senado hinggil sa umano'y ilegal na pag-aresto ng International Criminal Court (ICC) laban kay dating Pangulong Rodrigo Duterte.

Isiniwalat din kamakailan ni Sen. Imee na may iba't ibang "oplan" para pabagsakin ang pamilya Duterte, at kabilang na raw dito ang impeachment case laban kay VP Sara, at iba pa.

Kamakailan lamang ay pormal at opisyal nang inendorso ni VP Sara si Sen. Imee.

KAUGNAY NA BALITA: ‘Itim ang kulay ng pakikiisa!’ VP Sara, pormal nang inendorso si Sen. Imee

Batikang journalist binaril sa loob ng bahay sa Aklan, patay!

Binaril at pinatay ang beteranong mamamahayag na si Juan 'Johnny' P. Dayang, longtime president ng Publishers Association of the Philippines, Inc. (PAPI) sa kaniyang bahay sa Kalibo, Aklan, nitong Martes ng gabi, Abril 29.Ayon sa ulat ng Manila Bulletin, kinumpirma ito ni Captain Aubrey Ayon, spokesperson ng Aklan Police Provincial Office.Inaalam pa ang motibo sa pagpaslang.Si Dayang ay...

Libreng sakay sa MRT-3, LRT-1, at LRT-2 ikakasa mula Abril 30-Mayo 3

Magbibigay ng libreng sakay ang MRT-3, LRT-1, at LRT-2 para sa mga commuter bilang pagdiriwang sa Araw ng mga Manggagawa.Sa isang video statement nitong Martes, Abril 29, inanunsiyo ni Pangulong Ferdinand “Bongbong” Marcos, Jr. ang naturang balita.Aniya, “Nais kong sabihin sa lahat ng ating mga commuter ay inutos ko na para magbigay ng ating kaunting parangal sa ating mga...

PBBM sa nakuha niyang trust, approval rating: ‘It continues to inspire me’

Ipinahayag ni Pangulong Ferdinand “Bongbong” Marcos Jr. na patuloy na magiging inspirasyon para sa kaniya ang survey ng OCTA Research, kung saan lumabas na siya pa rin ang “most trusted and approved” government official kahit bumaba ang kaniyang rating kung ikukumpara noong nakaraang taon.Base sa inilabas na survey ng OCTA nitong Martes, Abril 29, bumaba sa 60% ang mga Pilipinong...