'I have found mine!' FPRRD, 'find a purpose in life' mensahe sa mga anak

By Richard De Leon

April 22, 2025

In BALITA National

May simple ngunit makahulugang mensahe si dating Pangulong Rodrigo Duterte sa kaniyang pamilya, lalo na sa mga anak na sina Vice President Sara Duterte, Davao 1st District Representative Paolo "Pulong" Duterte, at Davao City Mayor Sebastian "Baste" Duterte.

Ibinahagi kasi ng bunsong anak niyang si Veronica "Kitty" Duterte ang isang screenshot na naglalaman ng ipinaaabot na mensahe ng dating Pangulo para sa kanila, habang naka-detine pa rin sa International Criminal Court (ICC) Detention Center sa The Hague, Netherlands.

Photo courtesy: Screenshot from Veronica 'Kitty' Duterte (IG)

Makikita sa Instagram story ni Kitty ang mensahe raw ng dating Pangulo para sa kaniya, sa kaniyang common law partner na si Honeylet Avanceña, at mga anak na sina VP Sara, Rep. Pulong, at Mayor Baste.

Para kay Kitty, pinapasabi ng kaniyang ama na nabasa raw nito ang mensahe ng bunsong anak para sa kaniya, at masaya raw ang dating Pangulo at ipinagdiinan ang pagmamahal niya rito.

Pagmamahal din para sa kaniyang partner at ina ni Kitty na si Honeylet ang pinapasabi ng dating Pangulo. "I love my wife," saad daw nito.

At para naman sa mga anak na sina Sara, Pulong, at Baste, "Be strong and find a purpose in life. I have found mine. I love you."

KAUGNAY NA BALITA: Kitty Duterte, ibinahagi latest na mensahe ni FPRRD sa kanilang pamilya

Ipinakita rin ni Kitty sa Instagram story ang mensaheng ipinadala niya para sa ama, sa huling gabi niya sa The Hague.

Noong Marso 11, dinakip si Duterte ng ICC dahil sa kasong "crimes against humanity" kaugnay ng madugong war on drugs sa kaniyang administrasyon.

Pope Francis, simpleng libing lang ang gusto — Vatican

Isinapubliko ng Vatican ang spiritual testament ni Pope Francis noong 2022, kung saan hiniling niya ang simpleng libing sa kaniyang pagpanaw.Base sa spiritual testament ng Santo Papa na isinulat niya noong Hunyo 29, 2022, ipinaabot niya ang kaniyang pagnanais na ilibing sa Papal Basilica of Saint Mary Major.Hiniling din ni Pope Francis na gawing simple ang kaniyang libingan, walang partikular na...

ITCZ, easterlies, patuloy na umiiral sa PH – PAGASA

Patuloy pa rin ang pag-iral ng weather systems na Intertropical Convergence Zone (ITCZ) at easterlies sa bansa ngayong Martes, Abril 22, ayon sa Philippine Atmospheric, Geophysical and Astronomical Services Administration (PAGASA).Sa tala ng PAGASA kaninang 4:00 ng madaling araw, inaasahang magdadala ang ITCZ—na tumutukoy sa linya kung saan nagtatagpo ang hangin mula sa northern at southern...

Agusan del Sur, niyanig ng 4.0-magnitude na lindol

Niyanig ng 4.0-magnitude na lindol ang probinsya ng Agusan del Sur nitong Martes ng madaling araw, Abril 22, ayon sa Philippine Institute of Volcanology and Seismology (Phivolcs).Base sa tala ng Phivolcs, nangyari ang lindol na tectonic ang pinagmulan dakong 4:05 ng madaling araw.Namataan ang epicenter nito 8 kilometro ang layo sa timog-silangan ng Talacogon, Agusan del Sur, na may lalim na 54...