Kinumpirma ng Kapamilya star na si Jericho Rosales na next level na ang dating status nila ng kapwa Kapamilya star na si Janine Gutierrez.

Sa lamay ng lola ni Janine na si Asia's Queen of Songs Pilita Corrales noong Huwebes ng gabi, Abril 17, opisyal nang nagpakilala si Echo bilang "boyfriend ni Janine."

Kumalat ang video ng isang netizen na nagngangalang "Ecy Rapadas" kung saan mapapanood si Jericho na nagbibigay ng tribute speech para kay Pilita. Si Monching Gutierrez, na tatay ni Janine, ay anak ni Pilita.

Maririnig na litanya ni Echo, "I'm here because I'm supporting an amazing family. It's the first family, large, huge family, na sobrang tight-knit. If you want a definition of a family, this is the family. And I've been so honored to just, you know, I've been spending time with them because I'm Janine's boyfriend..."

Events

Acute respiratory failure, ikinamatay ni Nora Aunor

"So, let's just put it out there. Okay, but I'm here, I think, I think I'm honored to be here because of my mother..."

Nabanggit ni Echo na may Alzheimer's disease ang kaniyang ina, at ang paboritong kinakanta ay mga awitin ni Pilita. Kapag naman nakikita raw ng nanay niya si Janine ay nag-iiyakan ang dalawa, dahil kamukhang-kamukha ng aktres ang kaniyang lola.

Pagkatapos ng speech ni Echo ay nag-alay na siya ng kanta para sa lahat.

Nagkakilala sina Jericho at Janine matapos nilang magkasama sa teleseryeng "Lavender Fields."