Silang mayoral bet, humingi ng tawad matapos ang viral 'solo parent remarks'

By Kate Garcia

April 13, 2025

In BALITA Eleksyon

Humingi ng paumanhin si Silang, Cavite reelectionist Atty. Kevin Anarna matapos siyang patawan ng show cause order ng Commission on Elections (Comelec) bunsod ng kontrobersyal niyang pahayag sa mga solo-parents sa kanilang lugar.

Ayon sa ulat ng GMA Integrated News nitong Linggo, Abril 13, 2025, naglabas umano ng pahayag si Anarna noong Sabado, Abril 12 kung saan iginiit niya ang pagpapakababa ng kaniyang loob.

“Walang anumang salita ang dapat makasakit sa dangal at sakripisyo ng ating mga solo parents. Ako po ay buong kababaang-loob na humihingi ng paumanhin at higit pa roon, nais kong patunayan sa aksyon ang aking suporta sa inyo,” ani Anarna.

Saad pa niya, “Ang pagkakamaling ito ay nagbigay sa akin ng mas malalim na pag-unawa sa inyong mga pinagdaanan at pangangailangan. Ang aking administrasyon sa ating mahal na bayan ng Silang ay kakampi ninyo.”

Matatandaang kamakailan lang ng pagpaliwanagin ng Comelec si Anarna dahil umano sa mahalay niyang pahayag sa isang senior citizen at mga solo-parents sa kasagsagan ng kaniyang campaign rally noong Marso 29.

KAUGNAY NA BALITA: Silang, Cavite mayoral bet, nakatikim ng show cause order sa Comelec: ‘Si lola nilap*** pa ako!’

Iba ang naboto? OFW sa Singapore, kinwestiyon lumabas na resulta matapos bumoto online

Ibinahagi ng isang Overseas Filipino Worker (OFW) sa Singapore ang kaniyang naranasan matapos umano niyang bumoto sa pamamagitan ng online voting para sa 2025 National and Local Elections.Sa latest Facebook post ni Jefferson Salazar Bonoan noong Linggo, Abril 13, sinabi niyang nadismaya raw siya matapos niyang hindi ma-verify kung sino-sino ang mga kandidatong binoto niya.“I am so disappointed...

Pakiusap ng Comelec sa mga kandidato sa Mahal na Araw: 'Irespeto natin!'

Muling nakiusap ang Commission on Elections (Comelec) sa mga kandidato na iwasan ang pangangampanya sa kasagsagan ng Mahal na Araw, partikular na sa Huwebes at Biyernes Santo.Sa panayam ng media kay Comelec Chairman George Erwin Garcia nitong Lunes, Abril 14, 2025, hiniling niya ang “pagrespeto” ng mga kandidato para sa naturang religious activity.“Bawal po ang pangangampanya sa Mahal na...

SMC expressways, nakahanda na para sa Holy Week rush

Sinabi ng SMC Infrastructure na sinimulan na nito ang mga paghahanda para sa inaasahang pagdami ng mga sasakyan sa kanilang mga expressway simula Lunes, Abril 14, habang libo-libong Pilipinong motorista ang inaasahang aalis ng Metro Manila patungong mga probinsya para sa paggunita ng Semana Santa.Ayon sa kompanya, nakalatag na ang mga plano sa pamamahala ng trapiko sa kanilang mga tollway,...