Kitty Duterte, nag-celebrate ng 21st birthday kasama mga tagasuporta ni FPRRD

By Kate Garcia

April 11, 2025

In BALITA National

Muling nagsama-sama ang mga tagasuporta ni dating Pangulong Rodrigo Duterte sa The Hague, Netherlands upang ipagdiwang ang ika-21 kaarawan ng anak ng dating Pangulo na si Veronica “Kitty” Duterte noong Huwebes, Abril 10, 2025.

Ayon sa ulat ng One News noong Huwebes, kaniya-kaniya umanong bitbit ng pagkain ang ilang Pilipino upang magsalo-salo kasama si Kitty at common law partner ng dating Pangulo na si Honeylet Avanceña.

Samantala, sa pamamagitan ng Facebook post, nagpaabot naman ng pagbati si Sen. Bong Go kay Kitty at ipinaalala na maging matatag daw ito.

“Alam kong hindi madali ang lahat sa ngayon, sa kabila ng mga nangyayari, pero matatag ka, and I know darating din ang panahon na magiging maayos ang lahat. Keep your head up, stay kind and brave — just like you’ve always been,” ani Go.

Matatandaang noong Marso 26, 2025 nang dumating si Kitty sa The Hague, kasama ang inang si Honeylet Avanceña para sa noo’y darating na ika-80 kaarawan ng dating Pangulo sa Marso 28.

KAUGNAY NA BALITA: Honeylet Avanceña, Kitty Duterte nasa The Hague na

Humigit-kumulang 500k deboto, dumalo sa prusisyon ng Poong Nazareno ngayong Biyernes Santo

Nagbigay ng pahayag ang Kura Parokong si Rev. Fr. Ramon Jade Licuanan kaugnay sa isinagawang prusisyon ng Poong Nazareno ngayong Biyernes Santo.Sa isang video statement na inilabas ng Quiapo Church nitong Biyernes, Abril 18, sinabi ni Fr. Licuanan na tumagal umano ng mahigit 11 oras ang naturang prusisyon na dinaluhan ng humigit-kumulang 500,000 deboto.Aniya, “Naisagawa po ng Basilika Menor at...

Sen. JV Ejercito, inalala dakilang sakripisyo ni Hesus

Ginunita ni Senador JV Ejercito ang dakilang sakripisyo ni Hesus para sa kaligtasan ng buong sanlibutan ngayong Biyernes Santo, Abril 18.Sa isang Facebook post ni Sen. JV sa mismong araw na binanggit, hiniling niyang magsilbing paalala ang banal na araw na ito.“Nawa'y magsilbing paalala ito sa atin ng tunay na pagmamahal, kapatawaran, at pananampalataya.Mapagpalang Biyernes Santo sa ating...

First Family nagbakasyon sa Suba Beach, Ilocos Norte sa Huwebes Santo

Ibinida ni First Lady Liza Araneta-Marcos ang larawan nila nina Pangulong Ferdinand 'Bongbong' Marcos, Jr. at mga anak na sina Joseph Simon at William Vincent habang nakabakasyon sa Suba Beach sa Ilocos Norte ngayong Huwebes Santo, Abril 17.'Boodling our hearts out on our anniversary day! ,' caption dito ni FL Liza.Hindi naman makikita sa larawan si Ilocos Norte 1st District...