Marami ang napa-wow sa pigura ngayon ni Megastar Sharon Cuneta na talagang kitang-kita na ang pagbawas ng timbang sa social media, lalo na nang dumalo siya sa ABS-CBN Ball nitong Biyernes, Abril 4.
Ayon pa nga kay Shawie, first time ever niyang dumalo sa nabanggit na anticipated showbiz event; bagama't taon-taon siyang iniimbitahan, unang beses niyang pumunta dahil mas confident na raw siya ngayon sa kaniyang "best self."
KAUGNAY NA BALITA: Sharon first time ever dadalo sa ABS-CBN Ball dahil payat, sumeksi na
KAUGNAY NA BALITA: Sharon kung bakit 'di dumadalo sa ABS-CBN Ball: 'I was always so fat!'
Mel Tiangco proud na belong sa 'most trusted network' sa Pinas
Kasama ang kaniyang esposong si senatorial aspirant Atty. Kiko Pangilinan, inirampa na nga ni Mega ang kaniyang "fitspiration" na pangangatawan.
Sa kaniyang Instagram post ng araw na iyon, ibinahagi ni Shawie ang kaniyang weight loss journey na nagsimula noong 2016.
"2016. The year I decided to SLOWLY lose weight. I was tired and had ruined my body’s metabolism by going on all sorts of crash diets. So, SLOWLY BUT SURELY was the way for me to go."
"Nakakatawa ngayon kasi parang nawala ang lahat ng extra weight ko overnight? Yung last 20-25 lbs. na lang ang napansin tapos kanya-kanyang conclusions na sila! Bahala sila sa buhay nila."
"Nine years later - NOW - I have lost 106 lbs. if I could do it, anyone can!!! And surely, you can do it quicker! Wala nang tatakaw pa sa akin!" aniya.
Patuloy na napapanood ang Megastar sa seryeng "Saving Grace" na pinagbibidahan ni Julia Montes.
