April 05, 2025

Home BALITA Probinsya

Pastor, pinagsasaksak kalaguyo niyang 19-anyos sa Isabela

Pastor, pinagsasaksak kalaguyo niyang 19-anyos sa Isabela
Photo courtesy: Pexels

Isang 43 taong gulang na pastor ang nanaksak ng kaniyang kalaguyong 19-anyos na dalaga sa Isabela City.

Ayon sa mga ulat, pinasok ng suspek ang boarding house ng biktima kung saan tinangka niyang kuhanin ang cellphone at wallet ng biktimana may lamang ₱20,000.

Lumalabas sa imbestigasyon na kalaguyo umano ng pastor ang biktima at natatakot umano itong masira ang kaniyang magandang imahe dahil sa relasyon nila ng dalaga at dahil isa rin siyang pamilyado. 

Batay sa salaysay ng mga awtoridad, nagising umano ang biktima habang kinukuha ng suspek ang kaniyang mga gamit, dahilan upang pagsasaksakin siya ng pastor. Target umano ng suspek ang cellphone ng biktima na naglalaman ng palitan ng kanilang mga mensahe.

Probinsya

2 taong gulang na bata, patay matapos madamay sa away ng kaniyang ina at stepfather

Samantala, nagawa pa umanong makahingi ng tulong ng biktima bago siya tuluyang mawalan ng malay. Agad naman rumesponde sa kaniya ang kapuwa boarder na siyang nagsuplong sa pulisya sa krimen.

Nakaligtas ang biktima habang nasa kustodiya na ng mga awtoridad ang suspek na sinubukan pa umanong magtago. Nahaharap ang pastor sa kasong robbery at frustrated homicide.