Isiniwalat ng komedyante at TV host na si Buboy Villar na may anak na rin umano sa ibang lalaki ang ex-partner niyang si Angillyn Gorens matapos nilang magkahiwalay.
Sa latest episode ng “Fast Talk with Boy Abunda” noong Biyernes, Abril 4, sinabi ni Buboy na mas nauna raw nagkaanak sa iba si Angilyn kaysa sa kaniya.
"Simula nga noong nagkaanak rin siya sa bago niya, hindi naman po ako nagsalita, Tito Boy," saad ni Buboy.
Dagdag pa niya, "Bago po ako nagkaanak, nagkaanak na rin po siya, Tito Boy doon po sa Amerika. Hindi po ako nagalit."
Kathryn Bernardo, inaming single pa rin siya
Pero sa kabila nito, hindi raw nagalit o nainis si Buboy. Gusto lang daw niyang malaman ang lahat para sakaling magtanong ang mga anak nila ni Angilyn ay alam nito ang isasagot.
Matatandaang kamakailan lang ay inakusahan si Buboy ng pananakit umano kay Angilyn ngunit pinabulaanan niya ang naturang paratang sa isang panayam.
MAKI-BALITA: Buboy Villar, nagsalita sa akusasyong sinasaktan ex-partner kaya nilayasan
Sa kasalukuyan, karelasyon ni Buboy si Isay Sampiano at may isa na silang anak na lalaki.
