April 06, 2025

Home BALITA National

Kapag naging presidente si VP Sara sa 2028: Sen. Bato, yayakaping mahigpit mga kaaway

Kapag naging presidente si VP Sara sa 2028: Sen. Bato, yayakaping mahigpit mga kaaway
(file photos)

Yayakapin nang mahigpit ni Senador Ronald "Bato" dela Rosa ang mga nanggigipit daw sa kanila ngayon kapag naging presidente ng Pilipinas si Vice President Sara Duterte sa 2028.

Sa panayam ni Dela Rosa sa DWIZ na iniulat ng Manila Bulletin nitong Sabado, Abril 5, sinagot niya kung ano ang kaniyang magiging unang hakbang sakaling tumakbo at maging pangulo ng bansa si Duterte s 2028.

"Yung lahat ng nanggigipit sa amin ngayon, pupuntahan ko 'yan at yayakapin ko nang mahigpit," saad ng senador.

Pero pagliliinaw niya, "Yakap ng pagmamahal."

National

Security Group ni VP Sara, hindi binuwag!—AFP

Gayunman, wala pang malinaw na pahayag si Duterte kung tatakbo siyang pangulo sa 2028, dahil nang tanungin siya tungkol dito habang nasa The Hague, Netherlands, hindi niya ito direktang sinagot.

“Do we still have a country by 2028?” ani Duterte sa isang panayam noong Sabado, Marso 15, nang matanong kung tatakbo siyang pangulo.

“The way that we are going right now, hindi ko alam, palubog nang palubog nang palubog,” saad pa niya.

BASAHIN: VP Sara kung tatakbong pangulo sa 2028: 'Do we still have a country by 2028?'