Patay ang dalawang taong gulang na bata matapos madamay at masaksak sa away ng kaniyang ina at stepfather sa Barangay San Roque Dau, Lubao, Pampanga. 

Ayon sa ulat ng Saksi, news program ng GMA Network, nagkaroon umano ng pagtatalo sa pagitan ng ina ng biktima at kaniyang kinakasama na nauwi sa pisikalan. 

Lumalabas sa imbestigasyon na sinakal at sinuntok ng suspek ang ina ng biktima, dahilan upang magtatakbo siya palabas ng bahay. Naiwan umano sa loob ang kaniyang anak na siya umanong binalingan ng suspek. 

Batay sa salaysay ng pulisya, hinawakan daw ng suspek ang paa ng batang biktima at saka ibinalibag. Ilang sandali pa ay bumalik na ang ina ng bata kung saan natagpuan nitong wala ng malay ang kaniyang anak.

Probinsya

Hiwalay na insidente ng saksakan ng magkakapatid, naitala sa Iligan City

Doon na raw sinunggaban nang saksak ng suspek ang ina ng bata na tinamaan sa braso kung saan nahagip din ang kanang bahagi ng tiyan ng bata.

Nagawa pa umanong isugod sa ospital ang bata ngunit idineklara siyang dead on arrival. 

Samantala, nasakote naman ng pulisya ang suspek matapos magtago sa bahay ng kaniyang tiyuhin. Narekober sa kaniya ang isang sachet umano ng shabu at isang granada. 

Nahaharap sa patong-patong na kaso ang suspek katulad ng homicide, attempted homicide, paglabag sa Violence Against Women and their Children (VAWC) Law at illegal possession of firearms, ammunitions and explosives.