Usap-usapan ang Instagram post ni Lucena City Mayor Mark Alcala kung saan makikita ang tila pagbabakasyon niya sa isang lugar na hindi niya tinukoy kung saan, subalit mahihinuhang ito ay isang resort.
Tanging caption niya sa post, "Reserving my peace. "
Naka-limit lamang ang puwedeng magkomento sa nabanggit na IG post, subalit pinagpiyestahan ito sa iba't ibang social media pages.
Ang karamihan sa mga tanong ng intrigerang netizens, sino raw ba ang kasama ni Mayor Mark at kung sino ang "photographer" niya nang mga sandaling iyon?
'Reserving my peace' post ni Mayor Mark Alcala, inokray dahil sa grammar
"Sino kumuha ng pic?"
"Magkasama ba sila ni KB?"
"Gwapo siya sa personal unfortunately hindi siya photogenic. Super off din na lumabas pagka GGSS niya sa PR team niyang nakafocus sa pagpapasikat sa kanya."
"Curious ba kayo sino kumuha ng pics hahahaha."
Lumutang ang pangalan ni Outstanding Asian Star at Kapamilya Star Kathryn Bernardo na kamakailan lamang ay napababalitang nakakamabutihan ng mayor.
MAKI-BALITA: Mark Alcala, nakapasok na nga ba sa puso ni Kathryn Bernardo?
Naispatan pa nga ng mga marites na netizen ang umano'y pag-follow ni Min Bernardo, nanay ni Kathryn, sa Instagram account ni Mayor Mark, subalit nang pumutok na ang tsikang nauugnay ito sa anak, ay biglang nag-unfollow na raw.
MAKI-BALITA: Madir ni Kathryn Bernardo, inunfollow si Lucena City Mayor Mark Alcala?
Samantala, kung sisilipin naman ang social media accounts ni Kath ay wala naman itong pahiwatig na nasa bakasyon, para mai-"connect-the-dots" sana ng mga marites. Hindi rin sigurado talaga kung magkasama ba talaga sila ni Mayor Mark.
Wala pang reaksiyon, tugon, o pahayag sina Mayor Mark at Kathryn tungkol dito.
