Nagbunyi ang fans at supporters ni Megastar Sharon Cuneta matapos niyang kumpirmahing dadalo siya sa inaabangang ABS-CBN Ball na magaganap na sa Biyernes, Abril 4.
Saad ni Mega sa kaniyang Instagram post noong Miyerkules, Abril 2, first time ever niyang pupunta sa nabanggit na Kapamilya event.
Lagi naman siyang imbitado subalit hindi talaga siya pumupunta dahil sa isang dahilan.
"On April 4, I am attending the ABS-CBN BALL for the first time, ever. I was always invited, but could never come because I didn’t feel like it. I was always so fat. Nothing wrong with that per se, but I just never felt like my best self," ani Shawie.
Lhar Santiago nagdiwang ng kaarawan pero netizens, kinabahan?
"So now that I do, am joining my Kapamilya!!! Finally!!! Yehey!!! Thank You Lord!!!" dagdag pa niya.
Huwebes, Abril 3, mukhang handang-handa na talaga ang Megastar matapos niyang i-flex ang kaniyang payat at seksing pangangatawan!
"Have a great evening, everyone," aniya sa caption.
Bumaha naman ng paghanga para sa kaniya mula sa kapwa celebrities dahil lalo raw umangat ang kagandahan ni Sharon.
Kaya naman, abangan na lamang ang Megastar sa nabanggit na pagtitipon at hindi pa sure kung isasama niya ang mister na si senatorial aspirant Atty. Kiko Pangilinan.
KAUGNAY NA BALITA: Sharon first time ever dadalo sa ABS-CBN Ball dahil payat, sumeksi na
