PBBM sa pagpapasalamat ni VP Sara sa kaniya: 'Glad I could help'-Balita

PBBM sa pagpapasalamat ni VP Sara sa kaniya: 'Glad I could help'

Ibinahagi ni Presidential Communications Office (PCO) Usec. Claire Castro ang sagot ni Pangulong Bongbong Marcos nang iparating nila ang pagpapasalamat ni Vice President Sara Duterte dahil mas nagkaroon umano siya ng relasyon at nagkapatawaran sila ng kaniyang ama na si dating Pangulong Rodrigo Duterte.

Sa panayam ng media kay VP Sara sa The Hague, Netherlands noong Martes, Abril 1, 2025, pinasalamatan niya si Pangulong Bongbong Marcos dahil mas nagkaroon umano siya ng relasyon sa kaniyang ama.

“And this really is ironic but I have to thank Bongbong Marcos because there was forgiveness between me and PRD, for all that has happened in our lives. We have the relationship now, a father-daughter relationship."

BASAHIN: Dahil daw kay PBBM: VP Sara, FPRRD nagkaroon ng ‘father-daughter’ relationship

Samantala, sa isang press briefing nitong Huwebes, Abril 3, sinabi ni Castro na mas maganda raw ay magpasalamat muna ang bise presidente sa dating pangulo.

"Mas maganda po siguro kung magpasalamat muna si VP Sara [Duterte] sa kaniyang ama mismo kay dating Pangulong [Rodrigo] Duterte. Dahil kung siya man po ay nagkaroon ng pagkakataon at nagkaroon ng oras kasama ang kaniyang ama ay dahil ito sa kasong EJK," aniya.

Kasunod nito, ibinahagi ni Castro ang sagot ni Marcos sa pagpapasalamat sa kaniya ng bise presidente.

"Pero pinaabot po natin ito sa pangulo [Bongbong Marcos]. At ang sabi po niya, 'Glad I could help'."

BASAHIN: VP Sara, nagkaroon ng oras makasama si FPRRD dahil sa kaso nito kaugnay sa EJK—Usec. Castro

Matatandaang nananatili sa Netherlands sina VP Sara matapos maaresto si dating Pangulong Duterte noong Marso 11 sa Ninoy Aquino International Airport (NAIA) sa bisa ng arrest warrant na ibinaba ng International Criminal Court (ICC) para sa kasong crimes against humanity kaugnay ng naging dugo niyang kampanya kontra droga.

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Kasalukuyang nasa kustodiya ng ICC si Duterte na nakatakdang humarap sa confirmation of charges hearing sa darating na Setyembre 23.

KAUGNAY NA BALITA: Confirmation of charges hearing para kay FPRRD, itinakda ng ICC sa Sept. 23, 2025

ACT-CIS, Duterte Youth, PPP, at 4PS, nanguna sa 2025 Party-List Survey

Kinumpirma ng ulat na '2025 Party-List Preferences: National Voter Sentiment Report' na isinagawa mula Abril 7 hanggang 12, 2025 ng Arkipelago Analytics, na nangunguna ang ACT-CIS, Duterte Youth, PPP, at 4PS, na kapwa nakakuha ng maximum na tatlong puwesto pagkatapos ng dalawang round ng paglalaan ng mga puwesto.Kasunod ng nangungunang apat, malakas din ang naging resulta ng ilang mga...

Libreng sakay sa LRT/MRT, ‘huwag lagyan ng malisya!'—Palasyo

Nilinaw ng Malacañang na wala umano halong malisya at pamumulitika ang pag-anunsyo ni Pangulong Ferdinand “Bongbong” Marcos Jr., sa libreng sakay sa MRT at LRT para sa pakikiisa sa Labor Day.Sa press briefing ni Palace Press Secretary Claire Castro nitong Miyerkules, Abril 30, 2025, iginiit niya sa publiko na huwag umanong lagyan ng malisya ang naging inisyatibo ng gobyerno.“Huwag naman po...

Palasyo, walang impormasyon na aarestuhin umano ng ICC si VP Sara

Nilinaw ng Malacañang na wala umano silang impormasyon hinggil sa naging pahayag ni Vice President Sara Duterte na nasa listahan na rin daw siya ng mga aarestuhin ng International Criminal Court (ICC). Sa press briefing ni Palace Press Secretary Claire Castro nitong Miyerkules, Abril 30, 2025, iginiit niyang wala pa rin umanong masasabi ang Palasyo sa nasabing pahayag ng Pangalawang...