Inamin ng Kapamilya singer na si Klarisse De Guzman na ang pagpasok ni Miss Universe Philippines 2023 at Kapuso artist Michelle Dee sa Pinoy Big Brother Celebrity Collab Edition ang isa sa mga naging senyales para sa kaniya para aminin sa kapwa housemates at sa lahat na isa siyang bisexual.
Naganap ang pag-amin sa Wednesday episode ng PBB, Abril 2, kung saan inamin ni Klang na hindi siya straight kundi bi, at may apat na taon na siyang karelasyon.
"Sa tingin ko, ito na 'yong time para sabihin sa inyong lahat, and to tell the world, that I am not straight. I am bi," aniya.
"May four-year akong partner. Her name is Trina. Hindi alam ng public, pero alam ng parents ko. And kasama ngayon ng mama ko is her. "
'Reserving my peace' post ni Mayor Mark Alcala, inokray dahil sa grammar
"And I guess komportable na akong sabihin sa inyong lahat. With Michelle Dee pa. Hindi ko mahintay na ma-meet n’yo siya."
Matatandaang nag-trending sa social media platforms ang pananabik ng mga netizen sa idi-disclose ni Klarisse sa kapwa housemates.
Marami ang humula [at nakatama] na tungkol ito sa kaniyang sexual orientation.
Sa mga kumakalat namang video clips sa TikTok matapos ang pagbubukas ng loob ng housemates sa isa't isa, makikitang nag-uusap sa may bandang kusina sina Klarisse at Michelle. Dito ay inamin ni Klang na balak na talaga niyang aminin ang tungkol sa kaniyang sekswalidad sa pagpasok sa Bahay ni Kuya, at mas lalo pa itong umigting nang pumasok si Michelle sa PBB.
Si Michelle, sa kasagsagan ng kaniyang Miss Universe stint, ay umaming isa ring bisexual. Napilitan na umanong umamin si Michelle dahil sa mga pag-uungkat ng bashers niya sa mga lumang larawan niya noon. Masarap daw sa pakiramdam ang paglaladlad ng tunay na sexual orientation.
KAUGNAY NA BALITA: Michelle Dee, nagladlad bilang bisexual, rumesbak sa nagpakalat ng dating pics online
Sa confession room, sinabi naman ni Klang na masaya siya sa kaniyang ginawa at wala na raw siyang kinatatakutan.
KAUGNAY NA BALITA: Pag-amin ni Klarisse De Guzman: 'I'm not straight, I am bi!'
