Bukod sa kaniyang latest update patungkol sa iniindang lupus flare fever, nagbigay rin ng kaniyang paliwanag si Queen of All Media Kris Aquino patungkol sa naging hiwalayan nila ng ex-boyfriend na si Dr. Mike Padlan.
MAKI-BALITA: Kris Aquino, may lupus flare fever: 'I wanted you to see the pain'
Idinaan ni Kris ang paliwanag niya sa pamamagitan ng art cards na makikita sa kaniyang Instagram post noong Miyerkules, Abril 2.
Makahulugan din ang caption niya sa kaniyang Instagram post.
Jowa, proud sa ginawang paglaladlad ni Klarisse: 'I’ll wait you here sa outside world!'
"Please let my art cards tell my story. We don’t always end up with the one we love, sometimes we don’t even end up with a life partner," aniya.
"Life can be lonely, and being sick is a day to day battle. Right now i’m not winning… but #bawalsumuko #tuloyanglaban," dagdag pa niya.
Sa kaniyang art cards, sinabi ni Kris na hindi siya nagsinungaling sa una niyang post patungkol sa kaniyang ex-jowa. Isinalaysay rin ni Kris kung paano ang naging relasyon nila ng dating karelasyon na doktor din niya. Masaya si Kris dahil nasasabi niya sa kaniyang ex-boyfriend ang mga nararamdaman niya patungkol sa kaniyang kalusugan.
Ibinahagi rin ni Kris na ang "courtship" nila ay idinaraan nila sa pag-uusap sa pamamagitan ng isang cross-platform messaging app at talagang sila ay long distance relationship.
Nilinaw rin ni Kris na huwag sana siyang sisihin kung nagkaroon man ng financial problem si Padlan sa panahon ng kanilang relasyon.
Nilinaw rin ni Kris na minahal niya ang ex-jowang doktor.
"I do accept and understand that i loved him much more than he was capable of loving me," aniya.
Matatandaang kamakailan lamang ay pumalag ang anak ni Doc Mike patungkol sa mga post ni Kris laban sa kaniyang ama.
MAKI-BALITA: Anak ng ex-jowang doktor ni Kris Aquino, binasag katahimikan sa isyu
Agad naman itong inedit ni Kris upang mas bigyang-linaw ang tungkol sa hiwalayan nila ng doktor.
MAKI-BALITA: Kris kumambyo, inedit post tungkol sa hiwalayan nila ng ex-jowang doktor
