Proud na ipinagwagwagan ng karelasyon ni Klarisse De Guzman na si "Christrina Rey" ang kaniyang pagmamahal para sa partner, matapos ang pag-amin ng una na isa siyang bisexual, sa Wednesday episode ng "Pinoy Big Brother Celebrity Collab Edition."
Inamin din ni Klang na may apat na taon na siyang karelasyon, na kasa-kasama sa ngayon ng kaniyang ina habang nasa loob siya ng Bahay ni Kuya.
"Sa tingin ko, ito na 'yong time para sabihin sa inyong lahat, and to tell the world, that I am not straight. I am bi," aniya.
"May four-year akong partner. Her name is Trina. Hindi alam ng public, pero alam ng parents ko. And kasama ngayon ng mama ko is her. "
Kris Aquino sa latest break-up: 'Sometimes we don’t even end up with a life partner'
"And I guess komportable na akong sabihin sa inyong lahat. With Michelle Dee pa. Hindi ko mahintay na ma-meet n’yo siya."
MAKI-BALITA: Pag-amin ni Klarisse De Guzman: 'I'm not straight, I am bi!'
Sa Facebook account naman ni Christrina, ibinahagi niya ang balita ng ABS-CBN News tungkol dito at kinomentuhan.
"I AM PROUD OF YOU! I’m always here, always! I’ll wait u here sa outside world. Love Wins," aniya.
Sa isa pang Facebook post, sinabi ni Christrina na patuloy na suportahan ng mga tao ang tinaguriang "Soul Diva."
"Baliko man o tuwid, yan ang mundo at walang mali sa’yo.," aniya.
"Sa mga hindi daw nakatulog ng maayos nung nakaraan, sana po himbing sleep niyo last night. "
"Sana po ay patuloy niyong yakapin at mas mahalin ang nag-iisang KLARISSE DE GUZMAN! Keep on shining Our Soul Diva. ," giit pa niya.
