Tinawag ni Vice President Sara Duterte na pawang “guni-guni” lamang umano ang mga bagong pangalang ibinunyag ng ilang Kongresista na mula raw sa listahan ng mga nakatanggap ng kontrobersyal na confidential funds ng Office of the Vice Presidents (OVP).
Sa panayam ng media kay VP Sara sa The Hague, Netherlands noong Martes, Abril 1, 2025, naging matipid ang sagot ng Bise Presidente hinggil sa nasabing isyu.
“Bayaan na natin sila sa kanilang guni-guni. It doesn’t have to be yung paniniwala nila, paniniwala rin ng buong bayan. Paniniwala lang nila yun eh,” ani VP Sara.
Matatandaang kamakailan lang ng tinawag ng ilang Kongresista na “bilihin sa palengke” ang mga pangalang lumutang sa kanilang imbestigasyon sa confidential funds batay umano sa mga dokumentong ipinasa ng OVP sa Commission on Audit (COA). Ilan sa mga pangalang lumutang ay “Beverly Claire Pampano,” “Mico Harina,” “Sala Casim,” “Patty Ting” at “Ralph Josh Bacon.”
Tanong ni Cayetano: ‘Pwede bang ang utusan kong hulihin ni Gen. Torre ay si Gen. Torre?’
Kasalukuyang nananatili si VP Sara sa The Hague para kaniyang ama na si dating Pangulong Rodrigo Duterte na nasa kustodiya ng International Criminal Court (ICC) para sa kasong crimes against humanity. Nakabinbin naman ang impeachment trial sa Senado laban sa kaniya.
KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD
KAUGNAY NA BALITA: Impeachment trial kay VP Sara, sisimulan pagkatapos ng SONA – SP Chiz
