Nagpaliwanag na ang Kapuso actress na si Ashley Ortega kung bakit nga ba nakatulala siya nang ihayag na silang dalawa ng ka-duo niyang Kapamilya actress-dancer na si AC Bonifacio ang naligwak sa unang eviction night ng Pinoy Big Brother Celebrity Collab Edition.
Naging meme na tuloy sa iba't ibang social media pages ang magkaibang reaksiyon nila ni AC, na habang umiiyak ito, ay nakatulala lamang siya.
Tawag pa nga ng iba, "Si OA at si Nonchalant."
MAKI-BALITA: Ashley Ortega, AC Bonifacio na-evict na sa Bahay Ni Kuya
'Reserving my peace' post ni Mayor Mark Alcala, inokray dahil sa grammar
Sa panayam sa kaniya sa morning talk show na "Unang Hirit," sinabi ni Ashley na nang mga sandaling iyon ay hindi raw talaga nag-sink in sa kaniya na evicted na siya sa PBB.
"Actually sa three weeks ko sa Bahay ni Kuya, ang daming iyak do'n, ang dami kong iniiyak do'n, iniiyak ko na lahat naubos na, and then no'ng na-nominate pa lang, parang slowly ina-accept ko na baka ito na 'yong last week ko sa Bahay ni Kuya, so kumbaga nasa acceptance stage... tulala na ako wala na 'ko maiyak," natatawang kuwento ni Ashley.
"Natulala na lang ako, hindi rin kasi nag-sink in sa akin, pero may konting hope pa ako na parang may chance pa 'to, laban lang hanggang sa huli, pero 'pag hindi na talaga kaya, ayoko naman din ipilit..." aniya pa.
Nagulat na lang din siya sa dami ng mga taong sumalubong sa kaniya sa "outside world" dahil nga nasanay silang sila-sila lang ng celebrity housemates sa loob ng PBB house.
Isa sa highlights bago tuluyang umalis ng Bahay ni Kuya si Ashley ay nang makatanggap siya ng liham mula sa nakaalitang ina, na matagal na niyang hindi nakakausap simula nang mag-alsa balutan siya sa kanila at mamuhay independently.
MAKI-BALITA: Ashley Ortega, napahagulgol sa natanggap na sulat
