April 03, 2025

Home BALITA

'Duterte! Duterte!' ipinagsigawan sa bagong bukas na mall sa Cotabato

'Duterte! Duterte!' ipinagsigawan sa bagong bukas na mall sa Cotabato
Photo Courtesy: Screenshot from DXMY 90.9 Cotabato (FB)

Umalingawngaw ang apelyido "Duterte" sa isang bagong bukas na mall na matatagpuan sa Cotabato City.

Sa Facebook post ng DXMY 90.9 Cotabato nitong Miyerkules, Abril 2, makikita sa video ang kapal ng mga taong dumalo sa opening ng Koronadal Commercial Corporation (KCC) mall.

"Mga kasama, sa halip na magiging masaya sila ang sigaw ng mga papasok po dito e Duterte. Ano ba 'to? Rally ba 'to o magsa-shopping?" saad ng tao sa likod ng video.

Gayunman, nakahanda naman umano ang kapulisan para maiwasan ang anomang gulong mangyari.

National

Sen. Bato, planong bisitahin si FPRRD sa ICC: ‘Mag-wig ako para ‘di makilala doon’

Ayon kay PLTCOL. Carmelo Mungkas,"Ito po ay pinaghandaan natin para po hindi magka-stampede.”

“Nakita n'yo naman kanina, ako ay may megaphone. Ina-announce natin na 'wag silang magtulakan para po magbubukas 'yong KCC Mall na walang masaktan,” dugtong pa niya.

Batay sa mga ulat, pinaniniwalaang ang bagong bukas na mall na ito sa Cotabato ang pinakamalaking KCC chain sa buong Mindanao.