May arrest warrant na para sa aktor na si Archie Alemania kaugnay sa kasong acts of lasciviousness na isinampa sa kaniya ng Kapuso actress-singer na si Rita Daniela.
Sa ulat ng GMA News Online nitong Miyerkules, Abril 2, naglabas na ng warrant of arrest ang Bacoor City Muntinlupa Trial Court sa Cities Branch 2.
Maaari daw magpiyansa si Alemania sa halagang ₱36,000.
“After a careful evaluation of the information, the resolution, investigation data form, the complaint affidavit of the complaining witness, and other pertinent documents, the court finds probable cause to hold the accused for trial,” mababasa umano rito.
Partner ni Hajji di makapunta sa burol, dumiretso na lang sa 'Walk of Fame'
“Considering that the accused is at large, let a warrant of arrest be issued against him,” dagdag pa.
Bago matapos ang Marso 2025, inirekomenda ng Office of the City Prosecutor ng Bacoor, Cavite ang pag-akyat ng reklamo sa korte o indictment kay Archie.
KAUGNAY NA BALITA: Archie Alemania, na-indict sa reklamong acts of lasciviousness ni Rita Daniela
Batay sa resolusyon, isinulong ng prosecutor's office ang pagsasampa ng kaso kay Archie dahil daw sa mga ebidensya at testimonya ng mga saksi.
Matatandaang lumutang ang pagsasampa ng reklamo ni Rita laban kay Archie noong Oktubre 2024. Naganap umano ang akto sa party na idinaos na Kapuso star Bea Alonzo dahil sa tagumpay ng kanilang teleseryeng "Widow's War."
Naghain naman ng counter-affidavit si Archie laban sa reklamo sa kaniya ni Rita.
Samantala, wala pang tugon, reaksiyon, o pahayag ang kampo ni Archie tungkol dito.
