April 03, 2025

Home SHOWBIZ Tsika at Intriga

Yassi Pressman, sumabat sa bardagulan kung nagparetoke siya ng mukha

Yassi Pressman, sumabat sa bardagulan kung nagparetoke siya ng mukha
Photo courtesy: Yassi Pressman (IG)

Hindi na napigilan ng actress-dancer na si Yassi Pressman na sumabat sa pagtatalo-talo ng mga netizen sa mismong comment section ng Instagram post niya.

Ang dahilan ng away?

Nagdedebate kasi ang mga netizen kung sumailalim ba sa enhancement si Yassi.

Ibinida kasi ni Yassi ang ilang mga larawang kuha mula sa isang TV commercial na dapat abangan sa kaniya. May caption itong "okay na ‘to ‍"

Tsika at Intriga

'Reserving my peace' post ni Mayor Mark Alcala, inokray dahil sa grammar

"a little glam moment by @thazziafalek and hair by @onlymaja__ for a new TVC coming out soon, soon ," aniya pa.

Pinaapoy naman ito ng faneys at pinapurihan ang sobrang latinang kagandahan ni Yassi.

"Super natural beauty kaya nito @yassipressman pumayat lang talaga sya kaya dami nagsasabi nagparetoke ,"

"Monyekaaaa"

"Ok na ok na yan! "

"Apaka ganda!"

"TOO GOOD!"

"Apakamonyeeeka!"

Sa kabilang banda, ilang netizens na nga ang mismong nagtalo-talo kung sumailalim ba sa "Salamat po Dok" si Yassi. Isang netizen kasi ang nagkomento ng "gandang NATURAL."

"'di ka sure" sansala ng isa.

"hindi yata natural," banat naman ng isa.

Pero barda naman sa kanila, "sabihin mo yan kung nakakasama mo siya palagi at kilalang kilala mo yung tao!"

Pero hindi pa natapos dito dahil kinuwestyon ng netizen kung bakit naiiba-iba raw ang hitsura ng mukha niya lalo na ang lips.

Mukhang hindi na nakatiis si Yassi at umentrada na, "meet mo nalang ako."

Matatandaang kamakailan lamang ay naging usap-usapan ang tila pagkalito ng mga netizen sa TikTok video niya, dahil tila si Maris Racal o si Bianca De Vera daw ang nakikita nila.

Pero salag naman ng isang netizen, baka gumamit lamang ng filter si Yassi sa nabanggit na video.